Шусьӧгъяс 13:4 - Коми Библия 2023

⁴ Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.

Шусьӧгъяс 13:4 Referans Kwoze

Шусьӧгъяс 12:24

Зіль морт пондас юравны, дыш мортлы быть ковмас уджавны.

Шусьӧгъяс 12:11

Му вӧдитысь оз кут тшыгъявны, абутӧмсӧ кыйӧдысь – вежӧртӧм морт. [Коді кадсӧ коллялӧ вина бӧрся вӧтлысьӧмӧн, янӧдӧ ассьыс керкасӧ.]

Шусьӧгъяс 10:4

Дышӧдчысь киыд гӧльмӧдӧ, а зільыд – озырмӧдӧ.

Шусьӧгъяс 11:25

Лышкыда сетысьлӧн ставыс тырмана, ва сетысьлӧн горшыс оз кут косьмыны.

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Еврейяслы 6:11

Ми кӧсъям, медым ті помӧдз тадзи вӧчинныд, сэки тіян лачаныд збыльмас.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Шусьӧгъяс 8:34

Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Шусьӧгъяс 26:13

Дыш мортыд шуӧ: «Туй вылас лев! Ывлаын звер кыйӧдчӧ!»

Лыд 23:10

Коді вермас артавны Яковсянь чужысьясӧс, лыддьыны Израильлысь лыдтӧм-тшӧттӧм войтырсӧ? Веськыда олысьяс моз мед ме кула, олӧм помӧй мед лоас налӧн кодь!

Шусьӧгъяс 6:6

Дышӧдчысь, видзӧд кодзувкот бӧрся, видзӧд, кыдзи сійӧ уджалӧ. Вежӧрсяв!

Шусьӧгъяс 12:27

Дыш мортыд пӧтка яйтӧ оз сёй, а зіль мортыдлӧн эмбурыс вывті уна.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Шусьӧгъяс 13:5

Веськыда олысь мустӧмтӧ пӧръясьӧмсӧ, лёк вӧчысь асьсӧ янӧдӧ да пежалӧ.

Шусьӧгъяс 20:4

Дыш мортыд пуктысян кадӧ оз гӧр, и вундан кадӧ нинӧм оз босьт.

Шусьӧгъяс 21:5

Мортыд мырсьӧм-зільӧмнас унатор судзӧдӧ, а тэрмасьӧмӧн кӧ вӧчӧ, унатор воштӧ.

Шусьӧгъяс 21:25

Дышлӧн кӧсйӧмыс виас сійӧс, ӧд сійӧ кисӧ сюркнялӧмӧн пукалӧ.

Олӧм 26:32

Тайӧ луннас Исааклӧн кесйӧгъясыс юкмӧс кодйӧм бӧрын локтісны да шуисны, аддзим пӧ ва.

Нав Исус 7:3

Локтӧм бӧраныс найӧ шуисны Исуслы: «Став тышкайӧзлы сэтчӧ оз ков мунны, а сӧмын кык-ӧ-куим сюрс мортлы. Найӧ пасьвартасны Гай кар. Оз ков мудзтӧдны став тышкайӧзсӧ, ӧд сэні олысьыс абу уна».

Шусьӧгъяс 24:30

Ме муні дыш мортлӧн му бокті, вежӧртӧм мортлӧн виноград йӧр пӧлӧн

Шусьӧгъяс 24:31

да аддзи: йӧрыс ставнас вӧлі тырӧма ёгӧн, пасьтала быдмӧма петшӧр, изйысь вӧчӧм потшӧсыс киссьӧма.

Сьылан 5:3

– Паськӧмӧс ме пӧрччи нин – выльысь ӧмӧй пасьтасьны? Кокӧс ме мыськи нин – бара ӧмӧй няйтӧсьтны?