Шусьӧгъяс 12:20 - Коми Библия 2023

²⁰ Лёк вӧчны мӧвпалысьлӧн сьӧлӧмыс наян, бурас туйдӧдысьлӧн – долыд.

Шусьӧгъяс 12:20 Referans Kwoze

Матвей 5:9

Шудаӧсь йӧзӧс бурӧдысьяс, ӧд найӧс Енлӧн ныв-пиӧн шуасны.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Шусьӧгъяс 12:12

Мыж вӧчысь кӧсйӧ лёкыслӧн тывйӧ кыскыны, но веськыда олысь зумыд вужъя.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

Еремей 17:16

Господьӧй, Тэ тӧдан, мый ме эг ӧтдортчы Тэнсьыд войтыртӧ видзӧмысь, ме эг кӧсйы, медым воис бырӧдан луныс. Тэ водзын восьса ставыс, мый петіс менам вомысь.

2 Каднебӧг 22:4

Ахав рӧд моз Ахазий вӧчис Господь водзын шогмытӧмсӧ, ӧд сійӧс туйдӧдысьясӧн батьыслӧн кулӧм бӧрын вӧліны Ахавсянь чужысьяс. Тайӧ вайӧдіс сійӧс кулӧмӧдз.

Шусьӧгъяс 12:19

Збыльсӧ висьталысьыд пыр лоӧ, ылӧгсӧ сёрнитысьыд дыр оз ов.

Шусьӧгъяс 12:21

Веськыда олысьӧс лёкыс оз су, а лёк вӧчысьлӧн олӧмыс тырӧма шогнас.

Даниил 11:27

Ӧти пызан сайын пукалӧмӧн кык ӧксы кутасны ылӧдлыны ӧта-мӧднысӧ, ӧд налӧн сьӧлӧмныс тырӧма лёк мӧвпъясӧн. Налӧн нинӧм оз артмы, ӧд нэм помыс лоӧ сӧмын индӧм кадӧ.