Шусьӧгъяс 11:13 - Коми Библия 2023

¹³ Суклясьысь морт мӧдлысь гусяторсӧ восьтӧ, эскана морт – ас пытшкас кутӧ.

Шусьӧгъяс 11:13 Referans Kwoze

Шусьӧгъяс 20:19

Суклясьысь морт восьтӧ мӧдлысь гусяторсӧ, паськыд вомакӧд эн волысь.

Шусьӧгъяс 25:9

Ас кузяыд матыссаыдкӧд вензьы, а мӧдлысь гусяторсӧ эн восьт.

Левит 19:16

Аслад войтыр пӧвстын ылӧг сёрни эн паськӧд. Эн вешйы бокӧ, тэнсьыд матыссатӧ кӧ кодкӧ мыждӧ кулӧм вылӧ. Ме – Господь [тіян Енныд].

1 Тимофейлы 5:13

Керкаысь керкаӧ ветлігӧн найӧ весьшӧрӧ каднысӧ коллялӧны, суклясьӧны, быдлаӧ нырнысӧ сюйӧны да ковтӧм сёрни паськӧдӧны.

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Еремей 38:27

Юралысьяс локтісны Еремей дінӧ да кутісны юасьны сылысь. Еремей вочавидзис налы сідзи, кыдзи тшӧктіс ӧксы. Кывшутӧг юралысьяс колисны Еремейӧс, ӧд эз тӧдмавны, мый йылысь сійӧ сёрнитіс ӧксыкӧд.

Шусьӧгъяс 14:5

Эскана аддзылысь-висьталысь оз ылӧдчы, пӧръялысь абутӧмсӧ висьталӧ.

Нав Исус 2:20

Миян йылысь кӧ тэ кодлыкӧ висьталан [либӧ кодкӧ кисӧ лэптас миян вылӧ], сэки ми мынам тэныд кыв сетӧмысь».

Шусьӧгъяс 11:12

Вежӧртӧм морт лёкӧдӧ ассьыс матыссасӧ, вежӧра – чӧв олӧ.

Шусьӧгъяс 12:23

Вежӧра мортыд тӧдӧмлуннас оз ошйысь, а вежӧртӧмлӧн сьӧлӧмсьыс петӧ йӧйталӧм.

Шусьӧгъяс 19:11

Мортлӧн бур вежӧрыс видзӧ сійӧс скӧрмӧмысь, ошкӧмыс лоӧ сылы, коді лёксӧ вунӧдӧ.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.