Шусьӧгъяс 10:6 - Коми Библия 2023

⁶ Бурсиӧмыс – веськыда олысьлӧн юр вылас, лёкыс – Ентӧг олысьлӧн вомас.

Шусьӧгъяс 10:6 Referans Kwoze

Индӧд 28:2

Став тайӧ бурсиӧмыс локтас тіян вылӧ, кутанныд кӧ кывзысьны Господьлысь, асланыд Енлысь.

Шусьӧгъяс 28:20

Кодлы позьӧ эскыны, сійӧс лоӧ ёна бурсиӧма, но коді тэрмасьӧ озырмыны, мыждытӧг оз коль.

Шусьӧгъяс 24:25

Веськыда мыждысьлӧн ставыс артмас, сійӧс лоӧ бурсиӧма.

Шусьӧгъяс 10:11

Веськыда олысьлӧн вомысь олӧм визувтӧ, а Ентӧг олысьлӧн вомыс лёкӧн тырӧма.

Иов 29:13

Куланвыйӧдз воӧм морт бурсиӧмӧн аттьӧавліс менӧ, дӧваяслысь сьӧлӧмсӧ ме гажӧдлі.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Шусьӧгъяс 11:26

Няньсӧ дзебысьӧс ёрасны, вузалысьӧс бурсиасны.

Эсфир 7:8

Кор ӧксы бӧр пырис сад йӧрысь гажӧдчанінӧ, аддзис, мый Аман вӧлі копыртчӧма Эсфирлӧн куйланін дорӧ. Ӧксы шуис: «Тэ весиг менам керкаын кӧсъян мырдӧнавны ӧксы-аньӧс!» Ӧксылӧн шуӧм бӧрын Аманлысь чужӧмсӧ дзик пыр вевттисны.

Шусьӧгъяс 10:5

Вотӧссӧ гожӧмнас чукӧртысь – мывкыд морт, а вундан кадӧ узьысь асьсӧ янӧдӧ.

Авдий 1:10

Ассьыд Яков воктӧ дзескӧдӧм вӧсна тэнӧ лоӧ янӧдӧма, Исав, тэнӧ лоӧ пыр кежлӧ бырӧдӧма.

Шусьӧгъяс 3:33

Лёк вӧчысьлӧн керкаыс Господьлӧн ёрӧм улын, а веськыда олысьлысь керкасӧ Сійӧ бурсиӧ.

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.