Шусьӧгъяс 10:28 - Коми Библия 2023

²⁸ Веськыда олысь долыда виччысьӧ, а лёк вӧчысьлӧн лачаыс абу.

Шусьӧгъяс 10:28 Referans Kwoze

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Иов 8:13

Татшӧм туйыс быдӧнлӧн, коді вунӧдӧ Енсӧ, Ентӧг олысьлӧн лачаыс вошас.

Шусьӧгъяс 11:7

Лёк вӧчысьлӧн кулӧмкӧд бырас и сылӧн лачаыс, мыж вӧчысьлӧн виччысянаторйыс оз збыльмы.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Иов 11:20

А лёк вӧчысьлӧн синмыс бердас, сійӧ оз вермы пышйыны, сылӧн лачаыс – бӧръя лолыштӧмыс.

Псалтыр 16:9

лёк вӧчысьясысь, кодъяс усьласьӧны ме вылӧ, дзеб мустӧмтысьясысь, кодъяс кытшалӧны менӧ.

Шусьӧгъяс 11:23

Веськыда олысьлӧн кӧсйӧмыс бурӧ вайӧдӧ, лёк вӧчысьлӧн – скӧрлунӧ.

Псалтыр 68:4

Горзӧмӧйла менам эбӧсӧй бырис, менам гӧлӧсӧй сибдіс, синмӧй мудзис Енмӧс виччысьӧмысь.

Шусьӧгъяс 29:6

Лёк мортлӧн мыжыс сійӧс асьсӧ тывйыштӧ, а веськыда олысь гажӧдчӧ да нимкодясьӧ.