Руфа 2:12 - Коми Библия 2023

¹² Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».

Руфа 2:12 Referans Kwoze

Псалтыр 36:7

Лӧня виччысь Господьӧс да лача кут Сы вылӧ. Эн вежав наяна вӧчысьлы, кодлӧн ставыс артмӧ.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Псалтыр 63:7

Найӧ кӧсйӧны лёксӧ вӧчны, шуалӧны, миян пӧ эм гуся сёрнитчӧм. Збыльысь, мортлысь сьӧлӧмсӧ он вермы туявны-тӧдмавны.

Псалтыр 17:8

Муыс сыркмунліс да вӧрзис, керӧсъяс кыпмунлісны да вешйисны места вывсьыс, сэтшӧма скӧрмис Господь.

Псалтыр 61:4

Дыр-ӧ ті понданныд дзескӧдны менӧ? Ті ставныд усянныд пӧлыньтчӧм стен моз, нёровтчӧм потшӧс моз.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Ӧксыяслӧн 1 небӧг 24:19

Талун тэ петкӧдлін, мый тэ бур сьӧлӧма ме дінӧ. Господь сетіс менӧ тэнад киӧ, но тэ эн ви менӧ.

Руфа 1:16

Но Руфа вочавидзис: «Эн тшӧкты менӧ бергӧдчыны. Тэнӧ ме ог эновт. Кытчӧ тэ мунан, сэтчӧ и ме муна. Кытчӧ тэ кольччан, сэтчӧ и ме кольчча. Тэнад войтырыд лоӧ менам войтырӧн, и тэнад Енмыд лоӧ менам Енмӧн.

Псалтыр 57:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давидлӧн кывбур.

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

2 Тимофейлы 1:18

Мед Господь лоас бур сьӧлӧма сы дінӧ Аслас локтан лунӧ. Мыйтӧм сійӧ отсасис меным Ефесын, тэ бурджыка тӧдан.

Матвей 6:1

«Видзчысьӧй, тіян бур вӧчӧмныд мед оз ло йӧз водзын петкӧдлӧм могысь. Тадзи кӧ вӧчанныд, оз ло тіянлы енэжвыв Батьныдсянь удждоныс.

Шусьӧгъяс 23:18

Сэки тэнад лоӧ аскиа луныс, тэнад лачаыд оз кус.

Шусьӧгъяс 11:18

Лёк вӧчысьлӧн удждоныс – ылӧг, а коді веськыдлун кӧдзӧ, вундас збыльсӧ.

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

Руфа 2:11

Вооз вочавидзис: «Меным висьталісны, мый верӧс кулӧм бӧрад тэ тӧждысьӧмыд аслад энькаыд вӧсна. Тэ эновтӧмыд бать-мамтӧ, чужан мутӧ да локтӧмыд тӧдтӧм войтыр дінӧ.

Руфа 2:13

Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».

Руфа 4:15

Сійӧ лоӧ гажӧдысьӧн да вердысьӧн тэнад пӧрысь кадӧ, ӧд тэнӧ радейтысь моньыд чужтіс сійӧс! Тэнад моньыд сизим пи дорысь на бурджык».

Еремей 31:16

Господь тадзи висьталӧ: – Дугды бӧрднытӧ, тэнад синмысь мед оз визувт синваыд, ӧд уджъяссьыд тэныд лоӧ тырдон, – висьталӧ Господь, – тэнад челядьыд бергӧдчасны вӧрӧглӧн муысь.

Ӧксыяслӧн 1 небӧг 24:20

Лэдзас ӧмӧй морт ассьыс вӧрӧгсӧ лӧня мунны, шедіс кӧ мӧдыс сылӧн киӧ? Талунъя бур вӧчӧмсьыд Господь мед сетас тэныд быд бурсӧ.