Руфа 1:6 - Коми Библия 2023

⁶ Ноеминь шуис бӧр мунны аслас чужанінӧ, ӧд сылы кывсис, мый Господь тӧждысьӧма Аслас войтырыс вӧсна – сетӧма налы нянь. Моньясыс шуисны тшӧтш мунны сыкӧд.

Руфа 1:6 Referans Kwoze

Псалтыр 111:5

Бур морт буралӧ мӧдыс дінӧ да водзӧсӧн сетӧ, ставсӧ вӧчӧ веськыдлун серти.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Петӧм 3:16

Мун, чукӧрт Израиль войтырлысь юрнуӧдысьяссӧ да шу налы, мый Господь, налӧн батьяслӧн Ен, Ӧвраамлӧн, Исааклӧн да Яковлӧн Ен, петкӧдчис тэныд да висьталіс: ”Ме видзӧді тіян бӧрся да аддзи, кыдзи ті оланныд Египетын.

Лука 19:44

Тэнӧ жугӧдасны дзоньнас, олысьястӧ виаласны – из вылӧ из оз кольны, ӧд тэ эн кӧсйы тӧдны тэ дінӧ Енлысь волӧмсӧ».

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Матвей 6:11

Сет миянлы талун кежлӧ няньнымӧс.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Исай 55:10

Кор зэрыс да лымйыс киссьӧны енэжсьыс, сэтчӧ найӧ бӧрсӧ оз нин бергӧдчыны, но найӧ юкталӧны мусӧ, медым сійӧ сетас быдтас, медым сетас кӧйдыс кӧдзысьлы, и нянь – сёйысьлы.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Псалтыр 146:7

Сьылӧй Господьлы, аттьӧалӧй Сійӧс, ворсӧй миян Енлы гуслиӧн.

Ӧксыяслӧн 1 небӧг 2:21

Господь эз вунӧд Аннаӧс. Сійӧ чужтіс нӧшта куим пиӧс да кык нылӧс. А Самуил пиыс быдмис Господь водзын.

Олӧм 50:25

Ӧсип шуис Израиль пиянлы: «Кыв сетӧй, мый петкӧданныд менсьым лыясӧс Египетысь, кор Енмыс волас тіянла».

Олӧм 48:15

Сэсся бурсиис Ӧсипӧс да шуис: – Енмыс, кодлысь кывзысисны менам Ӧвраам да Исаак батьясӧй, чужӧмсянь да ӧнӧдз видзис менӧ.

Олӧм 28:20

Яков кыв сетіс: «Лоас кӧ мекӧд [Господь] Ен да видзас менӧ туйын, сетас меным нянь да паськӧм,

Олӧм 21:1

Господь эз вунӧд Сарраӧс. Ассьыс кӧсйысьӧмсӧ Сійӧ збыльмӧдіс.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

1 Тимофейлы 6:8

Эм кӧ сёян-юан да кӧм-пась, сідзкӧ, тырмӧдчам таӧн.

Шусьӧгъяс 30:8

вешты ме дінысь ковтӧм сёрни да пӧръясьӧм, гӧльлун да озырлун эн сет меным, тырмымӧн пӧткӧд менӧ няньӧн.

Руфа 1:5

Махлон да Килион кулісны. Ноеминь колис верӧстӧг да пиянтӧг.

Руфа 1:7

Ноеминь кыкнан моньыскӧд мӧдӧдчис Иуда муӧ. Муніганыс

Псалтыр 102:14

Сійӧ тӧдӧ, мыйысь вӧчӧма миянӧс, Сійӧ оз вунӧд, мый ми – сӧмын бус чиръяс.

Йоиль 2:19

Господь шуас Аслас войтырлы: – Ме сета тіянлы нянь, вина да вый, ті пӧттӧдзныд понданныд сёйны. Водзӧ ог лэдз мукӧд войтырлы янӧдны тіянӧс.