Римӧ 9:25 - Коми Библия 2023

²⁵ Осий небӧгын Сійӧ висьталӧ: – Кодъяс эз вӧвны Менам войтырӧн, найӧс шуа Аслам войтырӧн, мустӧмӧс шуа мусаӧн.

Римӧ 9:25 Referans Kwoze

Осий 2:23

Ме кӧдза Ассьым войтырӧс тайӧ муас, бурсьӧлӧмтча Ло-Рухама дінӧ, Ло-Аммилы шуа: «Тэ – Менам войтырӧй», а сійӧ шуас: «Менам Енмӧй!»

1 Петыр 2:10

Водзынсӧ ті энӧ вӧлӧй Ен войтырӧн, ӧні ті – Ен войтыр. Водзынсӧ олінныд Енлӧн буралӧмтӧг, ӧні тіянлы вичмис Енлӧн буралӧмыс.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

Ӧксыяслӧн 2 небӧг 7:24

Тэ вӧчин Израиль войтырӧс Аслад войтырӧн пыр кежлӧ. И Тэ, Господьӧй, лоин налӧн Енмӧн.