Римӧ 9:20 - Коми Библия 2023

²⁰ Мортӧй, коді тэ сэтшӧмыс, мый Енкӧд вензян? Вӧчӧмторйыс ӧмӧй вермас шуны вӧчысьыслы: «Мыйла тэ менӧ татшӧмнас вӧчин?»

Римӧ 9:20 Referans Kwoze

Исай 29:16

Мый ті йӧйталанныд? Гырнич вӧчысьӧс ӧмӧй позяс ӧткодявны сёйкӧд? Вӧчӧмторйыс ӧмӧй шуас вӧчысьыс йылысь, эз пӧ сійӧ вӧч менӧ? Гырничыс ӧмӧй шуас гырнич вӧчысьыс йылысь, сійӧ пӧ нинӧм оз гӧгӧрво?

Исай 64:8

Но Тэ, Господьӧй, – миян Батьным, ми – сёйыс, а Тэ – миянӧс Вӧчысьыс. Ми ставным – Тэнад киӧн вӧчӧмторъяс.

Иов 33:13

Мыйла тэ вензян Сыкӧд, шуан, мортлы пӧ Сійӧ оз вочавидз?

Иов 40:2

– Вӧнясь тышкаморт моз! Ме кута юасьны, а тэ Меным вочавидз.

Матвей 20:15

Ог ӧмӧй ме вермы ассьым сьӧмӧс видзны ас кӧсйӧм серти? Тэнад ӧмӧй вежыд петӧ, мый ме бур сьӧлӧма?”

Иов 16:3

Эм-ӧ помыс тӧвйыв лэдзӧм сёрнилы? Мый тэнӧ ышӧдіс тадзи сёрнитны?

1 Тимофейлы 6:5

да помтӧм вензьӧм на костын, кодъяслӧн пемдӧма вежӧрныс. Найӧ кежӧмаӧсь збыльсьыс, вежавидзана оласногыс пыр найӧ кӧсйӧны озырмыны сьӧмӧн. Татшӧмъяссьыс ылыстчы.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

Иов 40:8

ставнысӧ найӧс тырт мунас, чужӧмнысӧ вевттьы сап пемыднас,

Иов 36:23

Коді индас Сылы туйсӧ? Коді вермас шуны, мый Сійӧ оз веськыда вӧч?

Яков 2:20

Но кӧсъян-ӧ тӧдны, мывкыдтӧм мортӧй, мый уджъястӧм эскӧмыд – кулӧм эскӧм.

Титлы 2:9

Кесйӧгъяс мед быдторйын кывзысясны асланыс ыджыдныслысь, зілясны кывшутӧг шогмыны сылы.

Римӧ 2:1

Мортӧй, тӧд, мый мӧдӧс мыждігӧн тэ он вермы дорйысьны. Мӧдӧс мыждӧмнад тэ асьтӧ мыждан, ӧд ачыд тшӧтш сы моз олан.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Иов 40:5

Вевттьы асьтӧ ӧксылӧн кодь дзирдлунӧн, пасьтӧд асьтӧ ыджыдалан вынӧн,

1 Коринфӧ 7:16

Гӧтыр, тэ ӧмӧй верман тӧдны, мый мездан ассьыд верӧстӧ? А тэ, верӧс, верман ӧмӧй тӧдны, мый мездан ассьыд гӧтыртӧ?

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

Иов 9:32

Енмыс абу морт, абу ме кодь, медым ме Сылы мыйкӧ воча шуи, сувті Сыкӧд ёрд водзӧ.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Еремей 18:6

«Израиль войтыр, Ме ӧмӧй ог вермы вӧчны тэкӧд тайӧ гырнич вӧчысьыс моз? – висьталӧ Господь. – Кыдзи гырнич вӧчысьлӧн киын сёйыс, тадзи ті, Израиль войтыр, Менам киынӧсь.

Лука 12:14

Исус шуис: «Коді пуктіс Менӧ ёрдысьӧ, мед тіянлысь овмӧснытӧ юкны?»

Римӧ 2:3

Чайтан-ӧ тэ, мортӧй, мый пышъян Енлӧн мыждӧмысь, кор тадзи олысьӧс мыждан, а ачыд тадзи жӧ олан?

Римӧ 9:21

Гырнич вӧчысь абу ӧмӧй вына сёй вылас? Оз-ӧ сійӧ ӧти лятисьыс вермы вӧчны быд лунӧ вӧдитчан и торъя лунъясӧ вӧдитчан доз?

Римӧ 9:22

Тадзи Енмыс кӧсйӧ петкӧдлыны Ассьыс скӧрлунсӧ да вынсӧ. Ыджыд терпитӧмыс вӧсна Сійӧ видзӧ на бырӧдны шуӧм ”скӧрлуныслысь дозъяссӧ”,

Римӧ 14:4

Коді тэ сэтшӧмыс, мый йӧз кесйӧгӧс мыжалан? Сулалӧ-ӧ, усьӧма-ӧ сійӧ, сылӧн Ыджыдыс тӧдӧ. Сійӧ кутас сулавны, ӧд Енмыс вына сувтӧдны сійӧс.

2 Тимофейлы 2:20

Ыджыд керкаад абу сӧмын зарни да эзысь дозъяс, эмӧсь и пу да сёй дозъяс. Ӧтияснас вӧдитчӧны торъя лунъясӧ, мӧдъяснас – быд лун.