Римӧ 9:11 - Коми Библия 2023

^11-12 Пияныслӧн чужтӧдз на, бурсӧ-лёксӧ налӧн вӧчтӧдз на, Енмыс шуис Ревеккалы: «Ыджыдджыкыс кутас кесъявны ичӧтджыкыслы». Енмыс тайӧн петкӧдліс, мый бӧрйӧмыс Сы сайын. Сійӧ бӧрйӧ оз мортлӧн уджъяс серти, но Аслас лӧсьӧдӧм да корӧм сертиыс.

Римӧ 9:11 Referans Kwoze

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Исай 14:24

Господь Саваоф кыв сетӧмӧн шуис: – Ставыс лоӧ сідзи, кыдзи Ме мӧвпышті. Менам шуӧмӧй збыльмас.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Римӧ 4:17

Гижӧма: «Ме пукті тэнӧ войтыръяслы батьӧн». Сійӧ Ен водзын миянлы бать. Ӧвраам эскис Енлы, кулӧмаӧс Ловзьӧдысьлы да вӧвлытӧмторсӧ олӧмӧ Пӧртысьлы.

Ефесӧ 2:9

Бур вӧчӧмыд оз мезды, медым некод эз ошйысь тайӧн.

Псалтыр 51:5

Бурыс дорысь тэ ёнджыка радейтан лёксӧ, збыльыс дорысь ёнджыка радейтан ылӧгсӧ.

1 Фессалоникаӧ 1:4

Вокъяс, ті мусаӧсь Енмыслы. Ми тӧдам, Сійӧ бӧрйис тіянӧс.

Ефесӧ 2:3

Коркӧ ми ставным вӧлім на кодьӧсь: олім шогмытӧма, вир-яйлӧн кӧсйӧм серти. Татшӧм оласногысь миянӧс мукӧдсӧ моз виччысис Енлӧн скӧрлуныс.

Исай 23:9

Господь Саваоф тадзи шуис лоны, медым янӧдны ышнясьысьясӧс да ошйысьысьясӧс, медым улӧ пуктыны найӧс, кодъясӧс вылӧ пуктісны му вылын.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

Ефесӧ 3:11

Тадзи нэмъяс пуксьытӧдз на лӧсьӧдӧм-мӧвпыштӧмсӧ Енмыс пӧртіс олӧмӧ миян Господь Исус Кристос пыр.

Еремей 51:29

Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.