Римӧ 8:38 - Коми Библия 2023

³⁸ Ме тӧда, мый кулӧмыс ни олӧмыс, анделъяс ни енэжвыв юралысьяс да вынъяс, ӧніяыс ни локтанаыс,

Римӧ 8:38 Referans Kwoze

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Римӧ 14:8

Олам кӧ ми – Господьлы олам, кулам кӧ – Господьлы кулам. Ловъяӧсь-ӧ, кулӧмаӧсь-ӧ – ми Господьлӧн.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.

Колосӧ 1:16

Сы пыр вӧчӧма став енэжвывсасӧ да мувывсасӧ, аддзанасӧ да аддзытӧмсӧ: юралӧм-ӧ, ыджыдалӧм-ӧ, веськӧдлӧм-ӧ, вынъяс-ӧ – ставсӧ Сы пыр да Сылы вӧчӧма.

Колосӧ 2:15

Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Ефесӧ 1:21

юралысь-веськӧдлысьясысь, вынаяс-ыджыдалысьясысь да быд нимысь медся вылӧ тайӧ нэмас и локтанаас.

2 Коринфӧ 4:13

Гижӧдыс висьталӧ: «Ме эска, та вӧсна сёрнита». Миян пытшкын тайӧ жӧ эскан лолыс. Ми тшӧтш эскам, та вӧсна и висьталам.

Римӧ 4:21

Ӧвраам зумыда эскис, мый Енмыс вына пӧртны олӧмӧ Ассьыс кӧсйысьӧмсӧ.

2 Коринфӧ 11:14

Но тайӧ абу шензьӧданатор, ӧд ачыс сӧтана петкӧдлӧ асьсӧ югыдыслӧн анделӧн.

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Римӧ 14:7

Ӧд некод миян пиысь оз ов да оз кув ас пондаыс.

1 Коринфӧ 15:24

Кор Кристос бырӧдас быдпӧлӧс ыджыдалысьясӧс, веськӧдлысьясӧс да вынаясӧс, сэки Ассьыс юралӧмсӧ Сійӧ сетас Ен Батьыслы. Та бӧрти лоӧ пом.