Римӧ 8:27 - Коми Библия 2023

²⁷ Енмыс ставсӧ аддзӧ миян сьӧлӧмысь да тӧдӧ Лолыслысь мӧвпъяссӧ. Ӧд Енлӧн кӧсйӧм серти Лолыс корӧ-кевмӧ вежа войтыр вӧсна.

Римӧ 8:27 Referans Kwoze

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Шусьӧгъяс 17:3

Эзысьтӧ да зарнитӧ биын сывдӧны, а сьӧлӧмтӧ Господь тӧдмалӧ.

Ап. уджъяс 15:8

Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.

1 Фессалоникаӧ 2:4

Енмыс водзвыв тӧдмаліс миянӧс да лыддис шогманаясӧн висьтавлыны Сылысь Бур Юӧрсӧ, та вӧсна и висьтавлам. Ми зілям шогмыны Енмыслы, а огӧ йӧзыслы, ӧд Сійӧ тӧдӧ миянлысь сьӧлӧмнымӧс.

Матвей 6:8

Энӧ лоӧй на кодьӧсь. Тіян кортӧдз на Батьныд тӧдӧ тіянлы коланасӧ.

Еремей 20:12

Господь Саваоф, Тэ тӧдмалан веськыда олысьӧс, Тэ аддзан сылысь пытшкӧссӧ да сьӧлӧмсӧ. Сет меным аддзыны, кыдзи Тэ водзӧс перъян менӧ мустӧмтысьяслысь, ӧд Тэ водзӧ ме вая ассьым тӧжд-могӧс.

Еремей 11:20

Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Иоан 14:13

Мый коранныд Батьлысь Менам нимӧн, сійӧс Ме вӧча, медым Батьлӧн дзирдлуныс воссис Пиыс пыр.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

Римӧ 8:6

Вир-яйсянь мӧвпалӧмыд вайӧ кулӧм, а Ловсянь мӧвпалӧмыд сетӧ олӧм да лӧньлун.

Псалтыр 38:9

Мезды менӧ став менам мыжысь, эн лэдз мывкыдтӧм йӧзлы серавны ме вылын.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Псалтыр 139:1

Сьылысьясӧн веськӧдлысьлы. Давидлӧн псалом.