Римӧ 8:26 - Коми Библия 2023

²⁶ Жеблун дырйиным Лолыс отсалӧ миянлы. Ми весиг огӧ тӧдӧй, мый йылысь да кыдзи колӧ кевмысьнысӧ, но Ачыс Лолыс ышлолалӧмӧн кывъяс шутӧг кевмысьӧ миян вӧсна.

Римӧ 8:26 Referans Kwoze

Матвей 10:20

Сэки онӧ ті кутӧй сёрнитны, но Ен Батьныдлӧн Лолыс сёрнитас тіян пыр.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Галатӧ 4:6

Ӧні ті Енмыслӧн ныв-пи. Та вӧсна Ен сетіс сьӧлӧманыд Пиыслысь Ловсӧ. Тайӧ Лолыс шыасьӧ: «Авва, Батьӧй!»

Иоан 14:16

Ме кора Батьлысь, и Бать сетас тіянлы мӧд Дорйысьӧс. Сійӧ пыр лоас тіянкӧд.

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

Римӧ 8:15

Ті ӧд энӧ сибӧдӧй нартитысь лолӧс, медым бара овны полӧм улын, мӧдарӧ, ті сибӧдінныд тіянӧс ныв-пиӧ босьтысь Лолӧс. Тайӧ Лолӧн ми шыасям: «Авва, Батьӧй!»

Псалтыр 6:9

Лёк вӧчысьяс, вешйӧй ме дінысь, ӧд Господь кылӧ менсьым бӧрдӧмӧс.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

Яков 4:3

А коранныд кӧ, тіянлы оз ло сетӧма, ӧд ті онӧ бур вылӧ корӧй. Ті кӧсъянныд могмӧдны сӧмын ассьыныд ыштӧмтӧ.

Римӧ 15:1

Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным.

Лука 22:44

Шогыскӧд вермасигӧн Исус ёнджыка на кевмысис. Сылӧн пӧсьыс вирӧн войталіс муӧ.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

2 Коринфӧ 5:4

Тайӧ вир-яй чомъяс олігӧн ми сьӧкыда ышлолалам, ӧд огӧ кӧсйӧй пӧрччысьны, но кӧсъям пасьтавны выльсӧ, медым олӧмыс вевттис куланасӧ.

2 Коринфӧ 5:2

Ӧні ми сьӧкыда ышлолалам, ӧд ёна кӧсъям овмӧдчыны енэжвыв оланінӧ

Матвей 20:22

Исус шуис: «Онӧ тӧдӧй, мый коранныд. Верманныд-ӧ юны Меным дасьтӧм чашасӧ да Менам пыртчӧмӧн пыртчыны?» Найӧ вочавидзисны: «Вермам».

Псалтыр 102:5

Пӧткӧдӧ тэнсьыд олӧмтӧ бурнас, тэнад томлуныд кутш моз выльмӧ.

Псалтыр 6:3

Господьӧй, ло бур сьӧлӧма ме дінӧ, ӧд ме жеб. Бурдӧд менӧ, ӧд став лыӧй менам юкалӧ.

Еврейяслы 5:2

Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.

Римӧ 7:24

Коньӧр ме морт! Коді мездас менӧ тайӧ кулана вир-яйсьыс?

Псалтыр 69:3

Мед яналасны да лоӧны серамтуйынӧсь менсьым олӧмӧс корсьысьяс. Мед бӧр бергӧдчасны да лоӧны серамтуйынӧсь меным лёксӧ кӧсйысьяс.

Псалтыр 102:20

Ошкӧй Господьӧс, вына анделъяс, Сылӧн кыв серти вӧчысьяс, Сылысь висьталӧмсӧ кывзысьяс!

Иов 37:19

Сідзкӧ, велӧд миянӧс, мый шуны Енмыслы, тайӧ пемыдыс вӧсна ми нинӧм огӧ вежӧртӧй.

Бӧрданкыв 3:56

Кыв менсьым гӧлӧс шыӧс, эн тупкы пельтӧ менам ойзӧмысь да кевмӧмысь.