Римӧ 8:25 - Коми Библия 2023

²⁵ Ми кӧ лача кутам аддзытӧм вылас, сэки виччысям терпитӧмӧн.

Римӧ 8:25 Referans Kwoze

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

Колосӧ 1:11

Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.

Лука 21:19

Сьӧкыдлунсӧ венӧмӧн ті мезданныд ловнытӧ».

Олӧм 49:18

Господьӧй, мезды, ме виччыся отсӧг Тэсянь!

2 Фессалоникаӧ 3:5

Ачыс Господь мед веськӧдас тіянлысь сьӧлӧмнытӧ Енлӧн муслунас да Кристослӧн зумыдлунас.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Лука 8:15

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, видзӧ сійӧс бур-сӧстӧм сьӧлӧмас да сьӧкыдлунсӧ венӧмӧн вайӧ вотӧс». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Псалтыр 62:1

Давидлӧн псалом. Сійӧ лӧсьӧдіс тайӧс Иуда овтӧминын олігӧн.

Восьтӧм 14:12

Сідзкӧ, вежа войтырлы – Ен тшӧктӧм серти олысьяслы да Исуслы эскысьяслы – колӧ зумыдлун».

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Еврейяслы 6:15

Тадзи терпитӧмнас Ӧвраам босьтіс Енсянь кӧсйысьӧмасӧ.