Римӧ 8:24 - Коми Библия 2023

²⁴ Дерт, ми мездмӧмаӧсь нин лача кутӧмным пыр. Но лачаыд кӧ збыльмӧма, сэки сійӧ абу нин лача. Кутӧны ӧмӧй лачасӧ аддзана-лоӧма вылас?

Римӧ 8:24 Referans Kwoze

Еврейяслы 11:1

Эскӧмыс – виччысянторлӧн збыльмӧм да аддзытӧмсӧ аддзӧм.

2 Коринфӧ 5:7

Ӧд ми олам эскӧмӧн, огӧ аддзананас.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

1 Фессалоникаӧ 5:8

А ми – луныслӧн ныв-пи. Сідзкӧ, кутам овны садь вежӧрӧн. Пасьталам ас выланым муслуныслысь да эскӧмыслысь кӧрт кышӧдсӧ, а юртупкӧд пыдди босьтам мездмӧм вылӧ лачасӧ.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Галатӧ 5:5

Но миянлы Енлӧн Лолыс сетіс лача, мый ми эскӧм пыр воам веськыдлунас.

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

1 Коринфӧ 13:13

Ӧні кольӧ куимтор: эскӧм, лача да муслун. Но муслуныс на пиысь медыджыд.

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Еремей 17:7

Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Псалтыр 33:22

Мыж вӧчысьӧс виас лёкыс. Коді мустӧмтӧ веськыда олысьӧс, сійӧс лоӧ мыждӧма.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Римӧ 4:18

Ӧвраамлӧн эз вӧв некутшӧм лача, но сійӧ эскис, мый лоас войтыръяслы батьӧн, ӧд сылы шуӧма вӧлі: «Та мында жӧ лоас тэсянь чужысьыс».

Римӧ 8:20

Ӧд став вӧчӧмторйыс эз ас кӧсйӧмсяньыс веськав сісьмӧм-бырӧм улӧ. Тадзи вӧлі шуӧма Енмыслӧн. Сідзкӧ, эм лача, мый став вӧчӧмторйыс мынас сісьмана-бырана кутӧдысь да воас Ен ныв-пилӧн мездлунӧ да дзирдлунӧ.

Титлы 3:7

медым Сылӧн буралӧмсянь ми лоим веськыдӧсь да миянлы вичмис помтӧм олӧм. Тайӧ и эм миян лачаным.