Римӧ 8:2 - Коми Библия 2023

² Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.

Римӧ 8:2 Referans Kwoze

Римӧ 6:14

Мыжыс оз вермы ыджыдавны тіян вылын, ӧд ті буралӧм улынӧсь, абу Индӧд улынӧсь.

2 Коринфӧ 3:17

Господь эм Лов. Кӧні Господьлӧн Лолыс, сэні мездлун.

Римӧ 6:18

Мыжысь мынӧм бӧраныд ті лоинныд веськыдлуныслӧн кесйӧгъяс.

2 Коринфӧ 3:6

Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.

1 Коринфӧ 15:45

Гижӧдыс висьталӧ: «Медводдза мортыс, Адам, лоис ловъя олысьӧн», а мӧд Адамыс лоис олӧм сетысь Лолӧн.

Иоан 8:36

Пиыс кӧ мездас тіянӧс, ті збыльысь мездманныд.

Иоан 8:32

Ті тӧдмаланныд збыльсӧ, и збыльыс мездас тіянӧс».

Римӧ 7:4

Тадзи тшӧтш ті, вокъясӧй, Кристос вир-яйӧ йитчӧмнаныд кулінныд Индӧдыслы да лоинныд Мӧдыслӧн, кулӧмысь Ловзьысьыслӧн, медым вайны Енлы вотӧс.

Римӧ 6:22

Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.

Иоан 6:63

Сӧмын Лов вермӧ ловзьӧдны, а вир-яй тайӧс вӧчны оз вермы. Менам кывъясӧй сетӧны тіянлы Лов да олӧм.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Галатӧ 5:1

Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.

Галатӧ 2:19

Мед овны Енкӧд, Индӧдыс пыр ме кулі Индӧдыслы. Менӧ тувъялӧма Кристоскӧд.

Римӧ 5:21

Кыдзи мыжыс ыджыдаліс да кыскис кулӧмас, тадзи буралӧмыс тшӧтш ыджыдалӧ веськыдлуннас да вайӧдӧ миянӧс Исус Кристос Господьным пыр помтӧм олӧмас.

Римӧ 7:21

Казяла ас пытшкысь татшӧм индӧд: кӧсъя кӧ вӧчны бурсӧ, менам артмӧ лёкыс.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Римӧ 3:27

Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн.

Восьтӧм 11:11

Но куим лун да джын мысти Енмыс пӧльыштіс тайӧ кык висьталысьыс пытшкӧ олӧмыслысь ловсӧ, да найӧ чеччисны. Сэки на вылӧ видзӧдысьяс ёна повзисны.

Римӧ 7:23

но вир-яйысь ме аддза мӧдпӧлӧс индӧд. Сійӧ паныд сувтӧ пытшкӧсса индӧдлы да кӧрталӧ менӧ вир-яйын олысь мыжыслӧн индӧдӧн.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Римӧ 16:3

Висьталӧй чолӧм Прискиллалы да Акиллы. Найӧ мекӧд ӧтвыв кесъялӧны Исус Кристослы.

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

Яков 1:25

Но коді видзӧдӧ мездлунсӧ сетысь тыр-бур Индӧд вылӧ да оз вунӧд кывлӧмасӧ, а олӧ Индӧдыс серти, сійӧс лоӧ бурсиӧма уджъясыс пыр.

Езекиль 1:21

Кор ловъя олысьясыс мунісны, гӧгыльясыс тшӧтш мунісны, а кор сувтісны, гӧгыльясыс тшӧтш сувтісны. А кор ловъя олысьясыс кыпӧдчисны му вывсянь, накӧд кыпӧдчисны тшӧтш гӧгыльясыс, ӧд гӧгыльясас вӧлі ловъя олысьяслӧн ловныс.