Римӧ 7:5 - Коми Библия 2023

⁵ Тшыкӧм вир-яйын оліганым лёк кӧсйӧмыс ыджыдаліс миян пытшкын Индӧдыс отсӧгӧн, сэки ми вайим вотӧс кулӧмыслы.

Римӧ 7:5 Referans Kwoze

Ефесӧ 2:3

Коркӧ ми ставным вӧлім на кодьӧсь: олім шогмытӧма, вир-яйлӧн кӧсйӧм серти. Татшӧм оласногысь миянӧс мукӧдсӧ моз виччысис Енлӧн скӧрлуныс.

Галатӧ 5:24

Кодъяс Кристослӧн, найӧ тувъялісны вир-яйсӧ став сылӧн лёк кӧсйӧмнас.

Галатӧ 3:10

А Индӧдӧ кутчысьысьяс ёрӧм улынӧсь. Ӧд гижӧма: «Ёрӧм улӧ веськалӧ быдӧн, коді оз ов став тшӧктӧмыс серти, мый гижӧма Индӧд небӧгӧ».

Римӧ 6:13

Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

1 Иоан 3:4

Мыжсӧ вӧчысь торкӧ Индӧдсӧ, ӧд мыжыс и эм Индӧд торкӧм.

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

1 Коринфӧ 15:56

Кулӧмыслӧн чушканыс – мыж, а мыжыслы вынсӧ сетӧ Индӧд.

Яков 4:1

Кытысь артмӧ тіян пӧвстын лёксьӧмыс да вензьӧмыс? Оз-ӧ чужны найӧ тіян вир-яйын ыпъялан-тышкасян ыштӧмъяссянь?

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

Ефесӧ 2:11

Кутӧй тӧд выланыд, мый ті чужӧмсяньныд вӧлінныд ентӧдтӧмъясӧн да вундыштчытӧмъясӧн. Тадзи нимтылісны тіянӧс иудейяс, вундыштчӧмаяс, кодъясӧс вӧлі морт вундыштӧ.

Римӧ 7:23

но вир-яйысь ме аддза мӧдпӧлӧс индӧд. Сійӧ паныд сувтӧ пытшкӧсса индӧдлы да кӧрталӧ менӧ вир-яйын олысь мыжыслӧн индӧдӧн.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Римӧ 6:19

Ме сёрнита тіянкӧд быдлунъя олӧмсьыс босьтӧм кывъясӧн, медым ті верминныд гӧгӧрвоны менӧ. Водзын кӧ ті вир-яйныдлысь быд юкӧн сетінныд пежыслы вӧчны лёк уджъяс, ӧні быд юкӧн сетӧй веськыдлуныслы вӧчны вежа уджъяс.

Римӧ 5:20

Индӧдсӧ сетӧма, медым петкӧдлыны, кутшӧм уна мыж вӧчӧмыс. Кӧні мыж вӧчӧмыс уна, сэні ёнджыка на петкӧдчӧ буралӧмыс.

Римӧ 4:15

А Индӧдсӧ торкалӧмысь лэччӧ Енлӧн скӧрлун. Эз кӧ вӧв Индӧдыс, эз вӧв и Индӧдсӧ торкалӧмыс.

Римӧ 3:20

Индӧд серти уджъяс некодӧс оз вӧчны Ен водзас веськыдӧн. Индӧдыс сӧмын восьтӧ мыжсӧ.

Римӧ 1:26

Та вӧсна Ен эновтіс найӧс янӧдана ыштӧмас. Найӧ пондісны овны мӧдарӧ: нывбаба пондіс узьлыны нывбабакӧд,

Иоан 3:6

Вир-яйсянь чужысь эм вир-яй, а Ловсянь чужысь эм лов.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

2 Коринфӧ 10:3

Кӧть ми олам тайӧ муюгыдас, но вермасям огӧ муюгыдсаыс моз.