Римӧ 6:14 - Коми Библия 2023

¹⁴ Мыжыс оз вермы ыджыдавны тіян вылын, ӧд ті буралӧм улынӧсь, абу Индӧд улынӧсь.

Римӧ 6:14 Referans Kwoze

Галатӧ 5:18

Тіянӧн кӧ Лов веськӧдлӧ, сідзкӧ, ті абу Индӧд улынӧсь.

Римӧ 8:2

Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Римӧ 6:12

Энӧ лэдзӧй мыжсӧ ыджыдавны тіян кулана вир-яйын да ыштӧдны тіянӧс аслас лёк кӧсйӧмъясӧн.

Иоан 8:36

Пиыс кӧ мездас тіянӧс, ті збыльысь мездманныд.

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Галатӧ 3:23

Эскан кадыс вотӧдз ми вӧлім Индӧдлӧн синъялӧм улынӧсь, вӧлім кӧртӧдынӧсь эскӧм воссьытӧдзыс.

Римӧ 8:12

Вокъяс, сідзкӧ, ми абу уджйӧзаӧсь тшыкӧм вир-яйлы, и миянлы оз ков овны сы ног.

Матвей 1:21

Марияыд чужтас пи, пуктан Сылы Исус ним, Сійӧ мездас Ассьыс войтырсӧ мыжъяссьыныс».

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Галатӧ 4:21

Висьталӧй меным, Индӧд улын овны кӧсйысьяс, гӧгӧрвоанныд-ӧ ті, мый висьталӧ Индӧдыс?

Римӧ 11:6

Бӧрйӧмыс – буралӧмыс кузя, абу уджъяс серти. Бӧрйӧмыс кӧ вӧлі уджъяс серти, сэки эськӧ буралӧмыс эз вӧв буралӧмӧн.

Римӧ 4:16

Кӧсйысьӧмыс подуласьӧ эскӧм вылӧ, медым сійӧ вӧлі буралӧмсянь. Тадзи кӧсйысьӧмыс вына Ӧвраамсянь став чужысьыслы, абу сӧмын Индӧд улын олысьяслы, но и Ӧвраам моз эскысьяслы. Ӧвраам – ставнымлы бать.

Римӧ 6:15

Мый артмӧ? Ми кӧ абу Индӧд улынӧсь, а буралӧм улынӧсь, пондам ӧмӧй вӧчны лёксӧ? Огӧ.

Микей 7:19

Тэ бара на буралан миян дінӧ, вештан миянлысь мыжнымӧс. Саридз пыдӧсӧ Тэ шыбитан мыжъяснымӧс.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Римӧ 5:17

Ӧтилӧн мыж вӧчӧм вӧсна кӧ пондіс ыджыдавны кулӧм, сэки, дерт нин, ӧти морт пыр, Исус Кристос пыр, Енсянь ыджыд буралӧмсӧ да веськыдлунсӧ босьтысьяс пондасны ыджыдавны олӧмас.

Римӧ 5:18

Ӧтилӧн мыж вӧчӧм вӧсна кӧ мыждӧма став мувывса йӧзсӧ, тадзи ӧтилӧн веськыда вӧчӧм вӧсна став йӧзсӧ шуӧма веськыдӧн да сетӧма налы олӧм.

Левит 25:41

а сэсся ныв-пиыскӧд мед мунас рӧдвуж дінас, бать рӧдыслӧн муас, да овмӧдчас сэтчӧ.