Римӧ 4:9 - Коми Библия 2023

⁹ Шудаӧн шуӧмыс сӧмын вундыштчӧмаяслы лӧсялӧ али вундыштчытӧмъяслы тшӧтш лӧсялӧ? Ми висьталам, мый Ӧвраамӧс шуӧма веськыдӧн эскӧм вӧснаыс.

Римӧ 4:9 Referans Kwoze

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Римӧ 4:3

Гижӧдас мый висьталӧма? «Ӧвраам эскис Енлы, та вӧсна Енмыс шуис сійӧс веськыдӧн».

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Олӧм 15:6

Ӧврам эскис Господьлы, та вӧсна Господь шуис сійӧс веськыдӧн.

Римӧ 4:10

Кор шуӧма? Вундыштчытӧдзыс либӧ вундыштчӧм бӧрас? Вундыштчытӧдзыс.