Римӧ 4:21 - Коми Библия 2023

²¹ Ӧвраам зумыда эскис, мый Енмыс вына пӧртны олӧмӧ Ассьыс кӧсйысьӧмсӧ.

Римӧ 4:21 Referans Kwoze

Лука 1:37

Енлы нинӧм вермытӧмыс абу».

Еврейяслы 11:19

Ӧвраам эскис, мый Енмыс вына ловзьӧдны весиг кулӧмысь. Дзик тадзи и артмис. Исаакӧс вӧлі бӧр сетӧма Ӧвраамлы, быттьӧ сійӧ ловзис кулӧмысь.

Еремей 32:17

– Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!

Олӧм 18:14

Но эм-ӧ мыйкӧ Господьлы вермытӧмыс? Индӧм кадӧ во мысти Ме бара вола тэ ордӧ. Сэки Сарраыдлӧн лоас пи».

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

Лука 1:45

Тэ шуда, эскин да, ӧд Господьлӧн тэныд шуӧмыс инас».

Еремей 32:27

«Ме – Господь, став ловъя олысьыслӧн Ен. Эм-ӧ мыйкӧ Меным вермытӧмыс?

Матвей 19:26

На вылӧ видзӧдлӧмӧн Исус шуис: «Мортлы тайӧ вермытӧмтор, но Енмыслы ставыс вермана».

2 Коринфӧ 9:8

Енмыс вына озырмӧдны тіянӧс быдпӧлӧс сетӧмторнас, медым быд кадӧ да быдторйын тіян вӧлі став коланаыс, да нӧшта на верминныд вӧчны быдпӧлӧс бур уджсӧ.

Римӧ 14:4

Коді тэ сэтшӧмыс, мый йӧз кесйӧгӧс мыжалан? Сулалӧ-ӧ, усьӧма-ӧ сійӧ, сылӧн Ыджыдыс тӧдӧ. Сійӧ кутас сулавны, ӧд Енмыс вына сувтӧдны сійӧс.

Римӧ 8:38

Ме тӧда, мый кулӧмыс ни олӧмыс, анделъяс ни енэжвыв юралысьяс да вынъяс, ӧніяыс ни локтанаыс,

Псалтыр 115:3

Мыйӧн ме мынтыся Господьлы став бурсьыс, мый Сійӧ вӧчис меным?

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Лука 1:1

Пыдди пуктана Феофил! Унаӧн нин босьтчылісны гижны миянын вӧвлӧмторъяс йылысь. Та йылысь миянлы юӧртісны найӧ, кодъяс ставсӧ аддзылісны да лоисны Ен кывлы кесъялысьясӧн. Водзысяньыс ставсӧ лючки-бура туялӧм бӧрын ме тшӧтш шуи гижны тэныд став йывсьыс сьӧрсьӧн-бӧрсьӧн.

Римӧ 14:5

Кодкӧ торйӧдӧ лунъяс, а кодлыкӧ став луныс ӧткодь. Быдӧн вӧч аслад гӧгӧрвоӧмлун серти.