Римӧ 3:4 - Коми Библия 2023

⁴ Дерт, оз. Енмыс эскана, а мортыс пӧръясьысь. Гижӧма: – Шуӧмыд Тэнад веськыд, Аслад ёрд вылын Тэ верман.

Римӧ 3:4 Referans Kwoze

Псалтыр 51:4

Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!

Галатӧ 2:17

Кристослӧн веськыдлунӧ нырччиганым кӧ ми мыжмам Индӧдыс водзын, сідзкӧ, Кристос ӧмӧй мыжаыс? Абу!

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Иов 36:3

Менам тӧдӧмлунӧй пыдісянь, ме петкӧдла, мый менӧ Вӧчысьӧй веськыд.

Иоан 3:33

Мортыс кӧ сибӧдӧ Сылысь кывъяссӧ, тайӧн петкӧдлӧ, мый Енмыс збыльсӧ висьталӧ.

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Римӧ 9:14

Мый шуам? Енмыс абу веськыд? Сійӧ веськыд.

Псалтыр 138:2

Тэ тӧдан, кор ме пукся и кор чечча. Тэ ылісянь на тӧдан менсьым мӧвпъясӧс.

Микей 7:20

Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.

Псалтыр 100:5

Аслас матысса вылӧ гусьӧн удтысьысьӧс ме вӧтла ас дінысь, вылӧ кыпӧдчысьӧс да ышнясьысьӧс ме ог сибӧд.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

Галатӧ 2:21

Енлысь буралӧмсӧ ме ог ӧтдорт. Ӧд веськыдлунсӧ кӧ вермим босьтны Индӧдыс пыр, сідзкӧ, Кристос весьшӧрӧ куліс.

Римӧ 6:15

Мый артмӧ? Ми кӧ абу Индӧд улынӧсь, а буралӧм улынӧсь, пондам ӧмӧй вӧчны лёксӧ? Огӧ.

Римӧ 3:31

Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.

Матвей 11:19

Морт Пи локтіс, сёйӧ-юӧ, Сы йылысь шуӧны, рушку тыртысь да вина юысь пӧ, вот перйысьяскӧд да мыжаяскӧд ёртасьысь пӧ. Мывкыдлунсӧ пыдди пуктӧны мывкыдлуныслӧн челядь».

Иов 40:8

ставнысӧ найӧс тырт мунас, чужӧмнысӧ вевттьы сап пемыднас,

Галатӧ 6:14

Ме ог кӧсйы ошйысьны нинӧмӧн, ошйыся сӧмын миян Господь Исус Кристослӧн крестӧн. Сэні муюгыдсӧ тувъялӧма меным, а менӧ – муюгыдыслы.

Римӧ 11:1

Юала: «Енмыс ӧмӧй эновтіс Ассьыс войтырсӧ?» Дерт, эз. Ме ачым израильса, Ӧвраам чужанвужйысь, Венямин чужанкотырысь.

Псалтыр 62:9

Тэкӧд йитчӧма менам сьӧлӧмӧй, Тэнад веськыд киыд кутӧ менӧ.

2 Коринфӧ 1:18

Ен тӧдӧ, мый тайӧ збыль: ме некор эг шулы ӧтпырйӧ ”сідз” и ”абу сідз”.

Римӧ 11:11

Сідзкӧ, найӧ ӧмӧй усьмӧныс крукасисны? Эз. Налӧн крукасьӧмыс вайис мездмӧм ентӧдтӧмъяслы, и та вӧсна на пытшкын кыптіс вежалӧм.

Римӧ 7:7

Мый шуам татчӧ? Индӧдыс ӧмӧй мыжыс? Дерт, абу. Индӧдыс восьтіс меным мыжсӧ. Индӧдыс кӧ эз висьтав: «Эн ышты», ме эськӧ эг и гӧгӧрволы ыштӧмсӧ.

Римӧ 6:2

Ми кулім мыжыслы, позьӧ ӧмӧй водзӧ овны мыжас?

Лука 20:16

Сійӧ локтас, виноград быдтысьясӧс виас, а йӧрсӧ мукӧдлы сетас». Кывзысьяс шуисны: «Мед оз ло тадзи».

Римӧ 7:13

Сідзкӧ, бур Индӧдыс ӧмӧй вайис меным кулӧмсӧ? Эз. Бур Индӧдыс пыр мыжыс вайис меным кулӧмсӧ. Тадзи мыжыс восьтіс ачыс асьсӧ – тшӧктӧмыс пыр лоис лёксьыс-лёкӧн.

1 Коринфӧ 6:15

Ті ӧмӧй онӧ тӧдӧй, мый тіян вир-яйныд – Кристос вир-яйлӧн юкӧн? Сідзкӧ, босьта ӧмӧй Кристос вир-яйлысь юкӧнсӧ да йита сійӧс кырсалысь анькӧд? Ен мед видзас!

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.