Римӧ 3:21 - Коми Библия 2023

²¹ Ӧні Индӧд вылӧ видзӧдтӧг воссис Енлӧн веськыдлуныс. Та йылысь висьталӧ Индӧдыс да пророк гижӧдъяс.

Римӧ 3:21 Referans Kwoze

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Еремей 33:16

Сійӧ лунъясӧ Иуда войтыр мездмас, Ерусалимын олысьяс кутасны повтӧг овны. Сылӧн нимыс лоӧ ”Господь – миян веськыдлуныс”.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 51:8

Паськӧмӧс моз найӧс воз сёяс, вурунӧс моз йирас-бырӧдас. Но Менам веськыдлунӧй пыр лоӧ, Меӧн мӧдӧдӧм мездмӧмыс лоӧ нэмъяс чӧж.

Галатӧ 3:8

Гижӧдас водзвыв висьталӧма, мый эскӧм вӧсна Ен шуас веськыдӧн мукӧд войтыръясысь эскысьясӧс. Медводз Ӧвраамлы вӧлі юӧртӧма: «Тэ пыр вуджас бурсиӧмыс быд войтырлы».

Римӧ 5:19

Ӧтилӧн кывзысьтӧм вӧсна кӧ ставӧн лоисны мыжаӧсь, тадзи ӧтилӧн кывзысьӧм вӧсна ставӧн лоасны веськыдӧсь.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Римӧ 1:2

Тайӧ Юӧрыс йылысь Енмыс важысянь вӧлі кӧсйысьӧма Аслас пророкъяс пыр вежа Гижӧдъясын.

Ап. уджъяс 15:11

Но ми эскам, мый Господь Исус Кристослӧн буралӧмсянь ми мездмам на моз».

Исай 46:13

Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

1 Петыр 1:10

Пророкъяс пыдісянь тӧдмалісны-туялісны тайӧ мездмӧмсӧ. Найӧ водзвыв висьтавлісны тіянлы дасьтӧм буралӧм йылысь.

Галатӧ 5:5

Но миянлы Енлӧн Лолыс сетіс лача, мый ми эскӧм пыр воам веськыдлунас.

Ап. уджъяс 26:22

Но Енмыс пыр на отсаліс меным тайӧ лунӧдзыс, та вӧсна ме ӧнӧдз сулала да висьтала быдӧнлы: прӧстӧй и чина йӧзлы. Висьтала сӧмын сійӧ, мый йылысь водзвыв висьтавлісны Мӧисей да пророкъяс. Найӧ висьталісны,

Иоан 1:45

Филип аддзис Нафанаилӧс да шуис сылы: «Ми аддзим Сійӧс, код йылысь вӧлі висьталӧма Мӧисей Индӧдын да пророк гижӧдъясын. Тайӧ Назаретысь Исус, Ӧсиплӧн пи».

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Олӧм 15:6

Ӧврам эскис Господьлы, та вӧсна Господь шуис сійӧс веськыдӧн.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Римӧ 9:30

Сідзкӧ, мый артмӧ? Ентӧдтӧмъяс эз корсьлыны веськыдлунсӧ, но босьтісны сійӧс эскӧм пыр.

Римӧ 5:21

Кыдзи мыжыс ыджыдаліс да кыскис кулӧмас, тадзи буралӧмыс тшӧтш ыджыдалӧ веськыдлуннас да вайӧдӧ миянӧс Исус Кристос Господьным пыр помтӧм олӧмас.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Римӧ 3:28

Ми аддзам, мый мортсӧ веськыднас вӧчӧ эскӧмыс, а оз Индӧд серти уджъясыс.

2 Коринфӧ 3:9

Мыждана Индӧдлы кесъялӧмыс кӧ вӧлі дзирдалана, сэки кымын пӧв дзирдаланаджык веськыдлуныслы кесъялӧмыс.