Римӧ 16:21 - Коми Библия 2023

²¹ Тіянлы ыстӧны чолӧм менам Тимофей уджъёртӧй да ас войтырысь Лукий, Ясон да Сосипатр вокъяс.

Римӧ 16:21 Referans Kwoze

Ап. уджъяс 20:4

Асияӧдз Павелӧс колльӧдісны Верияысь Пирлӧн Сопатр пиыс, Фессалоникаысь Аристарк да Секунд, Дервияысь Гай, Тимофей да Асияысь Тихик Трӧпимкӧд.

Ап. уджъяс 17:5

А иудейяс, кодъяс эз эскыны, тырисны лӧглунӧн. Найӧ босьтісны аскӧдныс изэрд вылын весьшӧрӧ бовъялысь айуловӧс, чукӧртісны уна йӧзӧс да пондісны шызьӧдны карсӧ. Сэсся локтісны Ясон керкаӧ, корсисны сэтысь Павелӧс да Силаӧс, мед петкӧдны найӧс йӧз водзӧ,

Ап. уджъяс 13:1

Антиокия вичкоын вӧліны пророкъяс да велӧдысьяс: Варнава, Симеон, кодӧс шуисны Нигерӧн, Киринеяысь Лукий, Манаин, коді быдмылӧма Ирӧд ӧксыкӧд, да Савл.

Римӧ 16:11

Чолӧм менам Иродион рӧдвужлы. Висьталӧй чолӧм Наркислӧн гортсаяс пиысь налы, кодъяс эскӧны Господьлы.

Римӧ 16:7

Чолӧм менам войтырысь Андрониклы да Юниялы, кодъяскӧд ме пукавлі дзескыдінын. Найӧ пыдди пуктана йӧз апостолъяс пӧвстын, и найӧ меысь водз эскисны Кристослы.

Еврейяслы 13:23

Кӧсъя, мед ті тӧдінныд, мый Тимофей вокным петӧма дзескыдінысь. Регыд кӧ воас, сыкӧд ӧтвыв локтам тіян дінӧ.

2 Тимофейлы 1:2

Бурсетӧм, буралӧм да лӧнь олӧм тэныд, муса Тимофей пиӧй, Ен Батьсянь да миян Господь Исус Кристоссянь.

1 Тимофейлы 6:20

Тимофей, видз тэныд сетӧмасӧ. Эн кывзы йӧзыслысь ковтӧм сёрни да вензьӧм, мый петӧ ылӧг тӧдӧмлунсянь.

1 Тимофейлы 6:11

Но тэ, Енлӧн мортӧй, ылыстчы таысь. Кутчысь веськыдлунас, вежавидзана оласногас, эскӧмас, муслунас, зумыдлунас да рамлунас.

1 Тимофейлы 1:2

Тимофей, эскӧм вӧсна тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьнымсянь да миян Господь Исус Кристоссянь.

2 Фессалоникаӧ 1:1

Павел, Силуан да Тимофей чолӧмалӧны тіянӧс, миян Ен Батьлысь да Господь Исус Кристослысь фессалоникаса вичкоӧс.

1 Фессалоникаӧ 3:6

Тимофей сӧмын на воис тіян дінысь да вайис тіян эскӧмныд да муслунныд йылысь нимкодь юӧр, ті пӧ век бур ногӧн казьтывланныд миянӧс да миян моз ёна кӧсъянныд аддзысьлыны миянкӧд.

1 Фессалоникаӧ 3:2

а Тимофей вокнымӧс мӧдӧдам тіян дінӧ. Сійӧ миянкӧд ӧтвыв кесъялӧ Енмыслы, отсалӧ висьтавлыны Кристослысь Бур Юӧрсӧ. Ми мӧдӧдім сійӧс тіян дінӧ, медым ышӧдны тіянӧс да ёнмӧдны эскӧмнытӧ,

1 Фессалоникаӧ 1:1

Павел, Силуан да Тимофей чолӧмалӧны тіянӧс, Ен Батьлысь да Господь Исус Кристослысь фессалоникаса вичкоӧс. Буралӧм да лӧнь олӧм тіянлы Ен Батьнымсянь да Господь Исус Кристоссянь.

Колосӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд

Филипӧ 1:1

Павел да Тимофей, Исус Кристослӧн кесйӧгъяс, чолӧмалӧны Филип карын олысь да Исус Кристослы эскысь став вежа войтырӧс, вичкоса веськӧдлысьясӧс да отсасьысьясӧс.

2 Коринфӧ 1:19

Силуанкӧд да Тимофейкӧд ми висьтавлім тіянлы Ен Пи йылысь – Исус Кристос йылысь. Сійӧ некор эз шулы ӧтпырйӧ ”сідз” и ”абу сідз”. Сы пытшкын ставыс вӧлі ”сідз”.

2 Коринфӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд ми чолӧмалам тіянӧс, коринфса вичкоӧс, да Акайя пасьтала став вежа войтырӧс.

Ап. уджъяс 19:22

Тимофейӧс да Ерастӧс, ассьыс отсасьысьясӧс, сійӧ мӧдӧдіс Македонияӧ, ачыс кольччыліс на Асияӧ.

Ап. уджъяс 18:5

Кор Сила да Тимофей локтісны Македонияысь, Павел ловнас кыліс, мый колӧ висьтавны иудейяслы, мый Исус эм Кристос.

Ап. уджъяс 17:14

Сэки вокъяс дзик пыр ыстісны Павелӧс саридз дорӧ, а Сила да Тимофей кольччисны карас.

Римӧ 9:3

Аслам вокъяс вӧсна ме весиг дась лоны ёрӧмаӧн, Кристосысь торйӧдӧмаӧн.