Римӧ 16:19 - Коми Библия 2023

¹⁹ Тіян кывзысяна олӧмныд быдӧнлы бура тӧдса. Таысь меным нимкодь. Кӧсъя, мед эськӧ ті вӧлінныд тэрыбӧсь бурыс вылӧ, но ньӧжмыдӧсь лёкыс вылӧ.

Римӧ 16:19 Referans Kwoze

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

1 Коринфӧ 14:20

Вокъяс, энӧ мӧвпалӧй челядь моз, мӧвпалӧй верстьӧ моз. Но лёксӧ вӧчны лоӧй кага кодьӧсь.

Филипӧ 2:15

медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

Римӧ 1:8

Медводз, Исус Кристос пыр аттьӧала ассьым Енмӧс ставсьыныд, ӧд тіян эскӧм йылысь висьталӧны став му пасьталаыс.

Филипӧ 1:9

Ме кевмыся, мед тіян муслунныд ёнджыка на содас да сетас тіянлы быдпӧлӧс тӧдӧмлунсӧ да мывкыдлунсӧ,

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Ефесӧ 5:17

Энӧ лоӧй мывкыдтӧмӧн, а тӧдмалӧй Енлысь кӧсйӧмсӧ.

Псалтыр 101:2

Господьӧй, кыв менсьым кевмӧмӧс! Менам гораа бӧрдӧмӧй мед воас Тэнад пельӧдз.

Лука 10:3

Мунӧй! Ме мӧдӧда тіянӧс баляпиянӧс моз кӧинъяс пӧвстӧ.