Римӧ 13:13 - Коми Библия 2023

¹³ Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Римӧ 13:13 Referans Kwoze

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

1 Фессалоникаӧ 4:12

Сэки эскытӧмъяс тшӧтш кутасны пыдди пуктыны тіянӧс, тіян ставыс лоӧ тырмымӧн.

1 Иоан 2:6

Сылы, коді шуӧ, ме пӧ Сы пытшкын, колӧ овны Сы моз.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

1 Фессалоникаӧ 5:17

Дугдывтӧг кевмысьӧй.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

Иуда 1:23

а мукӧдсӧ мездӧй би пытшкысь моз. Видзчысьӧмӧн янӧдӧй найӧс, зывӧктӧй весиг вир-яйсянь пежасьӧм паськӧмнысӧ.

2 Иоан 1:4

Меным лои зэв нимкодь, кор аддзи, мый тэнад челядь пиысь кодсюрӧ ветлӧны збыляс, Батьлӧн тшӧктӧмыс серти.

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Ефесӧ 5:8

Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

Ефесӧ 4:17

Ме ёна кора тіянӧс Господь нимӧн: водзӧ энӧ нин олӧй ентӧдтӧмъяс моз. Налӧн мӧвпъясыс ковтӧмӧсь,

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

Галатӧ 5:19

Вир-яйлӧн уджыс тӧдса: тайӧ – гозъякост олӧм пежалӧм, кырсалӧм, пеж вӧчӧм, лэдзчысьӧм оласног,

Ап. уджъяс 2:15

Найӧ абу юӧмаӧсь, кыдзи ті чайтанныд, ӧд кадыс ӧкмыс час асыв.

Лука 16:19

«Вӧлі озыр морт. Сійӧ новліс пемыдгӧрд да шабді паськӧм, быд лун лышкыда гажӧдчис.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Шусьӧгъяс 23:20

Эн пукав юысь-кодалысьяс пӧвстын да на пӧвстын, кодъяс горша сёйӧны яй.

1 Коринфӧ 3:3

ӧд ті вир-яй серти на оланныд. Тіян костын пыр на овлӧ вежалӧм, вензьӧм да юксьӧм. Сідзкӧ, ті вир-яй серти на оланныд, ті пыр на тайӧ муюгыдсаыс кодьӧсь.