Римӧ 12:9 - Коми Библия 2023

⁹ Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Римӧ 12:9 Referans Kwoze

Псалтыр 34:14

Ме кевмысьлі на вӧсна, кыдзи ёрт либӧ вок вӧсна. Ме ветлі шогсьӧмӧн да юрӧс ӧшӧдӧмӧн, бӧрді мам вӧсна моз.

1 Петыр 4:8

Сьӧлӧмсяньныд радейтӧй ӧта-мӧднытӧ, ӧд муслуныс вевттьӧ уна мыж.

1 Тимофейлы 1:5

Миян ӧлӧдӧмлӧн медшӧр могыс – радейтӧм. Сійӧ петӧ сӧстӧм да мыжтӧм сьӧлӧмсянь да восьса сьӧлӧмӧн эскӧмсянь.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Фессалоникаӧ 5:21

Ставсӧ тӧдмалӧй, бурас кутчысьӧй.

Псалтыр 101:3

Эн дзеб меысь Ассьыд чужӧмбантӧ, менам шогсигӧн копырт мелань Ассьыд пельтӧ. Тэ дінӧ ме шыася, тэрмась вочавидзны меным.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

2 Коринфӧ 8:8

Тайӧ абу тшӧктӧм. Ме сӧмын висьтала тіянлы мукӧдыслӧн зільӧм йылысь, медым тӧдмавны, сьӧлӧмсянь-ӧ ті радейтанныд йӧзсӧ.

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

2 Коринфӧ 6:6

Ми олам сӧстӧма. Миян эм тӧдӧмлун, терпитӧм, бурлун. Миянӧн веськӧдлӧ Вежа Лов да сьӧлӧмсянь муслун.

Еврейяслы 1:9

Веськыдлуныс Тэныд муса, а лёксӧ Тэ мустӧмтан. Та вӧсна Тэнад Енмыд мавтыштіс Тэнӧ, Енмӧй, нимкодьлунӧн мукӧд дорысь ёнджыка на.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Шусьӧгъяс 26:25

Эн эскы сылы, мед кӧть и меліа сёрнитӧ, ӧд сійӧ тырӧма лёкнас.

Псалтыр 36:4

Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.

1 Фессалоникаӧ 2:3

Миян велӧдӧмын эз вӧвны наян да пеж мӧвпъяс, ми некодӧс эгӧ кӧсйӧй ылӧдлыны.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Иоан 12:6

Дерт, Иуда эз тӧждысь гӧльяс вӧсна. Сійӧ шуис тадзи, ачыс вӧлі гусясьысь да. Сы ордын вӧлі ӧтувъя сьӧм кудйыс, кытысь сійӧ босьтлывліс аслыс.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Матвей 26:49

Иуда веськыда муніс Исус дінӧ да шуис: «Видза олан, Велӧдысьӧй», сэсся окыштіс Сійӧс.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.