Римӧ 12:8 - Коми Библия 2023

⁸ кодлы сетӧма ышӧдны, мед ышӧдӧ, кодлы сетӧма отсасьны аслас эмбурӧн, мед отсасьӧ сьӧлӧмсяньыс, кодлы сетӧма веськӧдлыны, мед веськӧдлӧ тӧждысьӧмӧн, кодлы сетӧма бурсӧ вӧчны, мед вӧчӧ нимкодьпырысь.

Римӧ 12:8 Referans Kwoze

2 Коринфӧ 9:7

Быдӧн сетӧй сьӧлӧм тшӧктӧм сертиныд: энӧ мырдӧн, энӧ шогпырысь, ӧд долыда сетысь муса Енмыслы.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Ап. уджъяс 15:32

Иуда да Сила вӧліны пророкъяс, найӧ ёна ышӧдісны да ёнмӧдісны вокъясӧс.

Ап. уджъяс 13:15

Индӧд да пророк гижӧдъяс лыддьӧм бӧрын синагогаса юралысьяс ыстісны кодсюрӧӧс шуны, вокъяслӧн кӧ эм ышӧдана кыв йӧзыслы, мед висьталасны.

Еврейяслы 13:24

Висьталӧй чолӧм вичкоса веськӧдлысьяслы да став вежа войтырлы. Тіянлы ыстӧны чолӧм италияса эскысьяс.

Еврейяслы 13:22

Вокъяс, кора тіянӧс: терпитӧмӧн сибӧдӧй менсьым ышӧдана кывъясӧс, ӧд ме гижи тіянлы дженьыдика.

Еврейяслы 13:7

Энӧ вунӧдӧй ассьыныд веськӧдлысьяснытӧ, ӧд найӧ висьтавлісны тіянлы Енлысь кывсӧ. Видзӧдӧй налӧн олӧм пом вылӧ да эскӧй на моз.

Еврейяслы 10:25

Кодсюрӧ дугӧдчӧмаӧсь ӧтвыв чукӧртчӧмысь, но ми тадзи огӧ вӧчӧй. Мӧдарӧ, миянлы колӧ ёнджыка на ышӧдны ӧта-мӧднымӧс, ӧд Господьлӧн луныс матын нин.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

1 Коринфӧ 14:3

А пророкалысь висьталӧ йӧзыслы. Сійӧ ёнмӧдӧ, ышӧдӧ да бурӧдӧ найӧс.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Ап. уджъяс 20:2

Мунігас быдлаын ышӧдіс-ёнмӧдіс эскысьясӧс. Сэсся локтіс Грецияӧ

1 Тимофейлы 4:13

Менам локтӧдз лыддьы Енлысь кывсӧ да туйдӧд-велӧд йӧзсӧ.

1 Фессалоникаӧ 2:8

Ми ёна радейтам тіянӧс, та вӧсна вӧлім дасьӧсь юксьыны тіянкӧд Енлӧн Бур Юӧрнас, весиг сетны ассьыным олӧмнымӧс. Ӧд ті сэтшӧм мусаӧсь миянлы!

1 Фессалоникаӧ 2:3

Миян велӧдӧмын эз вӧвны наян да пеж мӧвпъяс, ми некодӧс эгӧ кӧсйӧй ылӧдлыны.

Колосӧ 3:22

Кесйӧгъяс, быдторйын кывзысьӧй асланыд мувывса ыджыдъяслысь. Кесъялӧй налы восьса сьӧлӧмӧн да Енмысь полӧмӧн, а энӧ йӧз водзын асьнытӧ петкӧдлӧм могысь.

Ефесӧ 6:5

Кесйӧгъяс, кывзысьӧй асланыд мувывса ыджыдъяслысь Кристослысь моз. Кесъялӧй налы восьса сьӧлӧмӧн, полігтырйи да пыдди пуктӧмӧн.

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

2 Коринфӧ 9:13

Тіянлысь бур вӧчӧмнытӧ аддзигӧн вежа войтыр кутас ошкыны Енсӧ, ӧд ті кывзысьӧмӧн оланныд Кристослӧн Евангелльӧ серти, мый йылысь восьсӧн висьтавланныд. Найӧ ошкӧны Енсӧ, ӧд ті лышкыда юксянныд накӧд, тшӧтш мукӧдыскӧд.

2 Коринфӧ 9:11

медым ті вӧлінныд озырӧсь быдторнас да верминныд лышкыда юксьыны быдӧнкӧд. Сэки йӧзыс кутасны аттьӧавны Енсӧ миян отсӧгысь.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

Римӧ 13:6

Тайӧ уджыс налӧн Енлы кесъялӧм, та вӧсна ті мынтанныд налы вотсӧ.

Римӧ 12:13

Вежа войтырлы отсалӧй абутӧмлун дырйиныс, сибӧдӧй ветлысь-мунысьясӧс,

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Исай 64:5

Тэ бур сьӧлӧмӧн воча петан сылы, коді нимкодьпырысь веськыда вӧчӧ, коді восьлалӧ Тэнад туйӧд да казьтывлӧ Тэ йылысь. Но Тэ скӧрмин миян вылӧ, ӧд ми важысянь нин мыжсӧ вӧчам. Сідзкӧ, мездмам-ӧ ми?

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Исай 32:5

Мывкыдтӧм мортӧс оз нин кутны шуны пыдди пуктанаӧн, наян мортӧс оз нин шуны веськыдӧн.

Еклесиаст 11:6

Асывнас кӧдз, и рытнас киыдлы эн сет шойччӧгсӧ. Тэ ӧд он тӧд, кодар уджыс лоӧ бурджык, а гашкӧ, кыкнанныс бур.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Шусьӧгъяс 22:9

Бур сьӧлӧмаӧс лоӧ бурсиӧма, ӧд юксьӧ гӧльяскӧд няньӧн. [Козин сетысьлы локтӧ вермӧм да нималӧм, и козин босьтысь лэдзӧ сійӧс аслас сьӧлӧмас.]

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Псалтыр 37:21

Бурсьыс найӧ мынтысьӧны лёкӧн, ме бурсӧ кӧсъя, но найӧ мыжалӧны менӧ.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 15:14

Сет сылы сьӧлӧмсяньыд аслад ыж-кӧза чукӧрсьыд, гумла вывсьыд, виноград пычканінсьыд пай. Ставсьыс, мыйӧн бурсиас тэнӧ Господь, тэнад Енмыд, чуктӧд сылы.

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Ап. уджъяс 13:12

Діӧн веськӧдлысь кор аддзис тайӧ лоӧмторсӧ, шензис Господьлӧн велӧдӧмысь да кутіс эскыны.

Ап. уджъяс 4:36

Иосей, Кипрын чужлӧм левит, кодӧс апостолъяс шуисны Варнава нимӧн, мый лоӧ ”бурӧдысь”,

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

1 Тимофейлы 6:18

Озыръясӧс велӧд, медым бурсӧ вӧчисны, озырмисны бур уджъясӧн, вӧліны лышкыдӧсь да юксисны мукӧдкӧд.