Римӧ 12:3 - Коми Библия 2023

³ Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.

Римӧ 12:3 Referans Kwoze

Галатӧ 6:3

Ас йывсьыс вывтіа мӧвпалысь, коді збыльвылас нинӧм, ылӧдлӧ ачыс асьсӧ.

Шусьӧгъяс 26:12

Асьсӧ мывкыдӧ пуктысь морт дорысь бурджык вежӧртӧм вылӧ лача кутны.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Еклесиаст 7:16

Эн ло вывті веськыда олысьӧн, эн петкӧдлы асьтӧ вывті мывкыдаӧн: мыйла тэныд бырӧдны асьтӧ?

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

1 Петыр 4:11

Коді висьталӧ, мед висьталӧ Енсянь. Коді кесъялӧ, мед кесъялӧ Ен вынӧн. Сэки быдторйын лоӧ ошкӧмыс Енлы Исус Кристос пыр. Сылы ошкӧмыс, Сылӧн ыджыдалӧмыс нэмъяс чӧж! Аминь.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

1 Коринфӧ 7:17

Быдӧн тіян пиысь мед олӧ Енлӧн шуӧм серти да лоӧ сэтшӧмӧн, кутшӧмӧн вӧлі Господьлӧн коригас. Тадзи ме велӧда быд вичкоын.

Титлы 2:12

Буралӧмыс велӧдӧ миянӧс, мед ми эновтчим Ентӧг олӧмсьыс да быдпӧлӧс мувывса ыштӧмсьыс, вӧлім сюсь вежӧраӧсь тайӧ нэмас, олім веськыда да вежавидзӧмӧн,

Титлы 2:2

Олӧма айуловӧс велӧд лоны авъяӧн, садь да сюсь вежӧраӧн. Мед найӧ топыда кутчысясны эскӧмас, муслунас да зумыдлунас.

2 Коринфӧ 12:7

Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

Римӧ 11:20

Тайӧ тадз. Найӧс чегисны эскытӧмысла, а тэ кутчысян эскӧмнад. Асьтӧ вылӧ эн пукты, но полӧмпырысь ов.

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

Титлы 2:4

велӧдасны найӧс радейтны верӧснысӧ да ныв-пинысӧ.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Ефесӧ 4:16

Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.

Лука 18:11

Фарисей сувтӧмӧн кевмысис вомгорулас: ”Енмӧй, аттьӧала Тэнӧ, мый ме абу мукӧдыс кодь: ог горшась, ог пӧръясь, гозъякост олӧм ог пежав. Ме абу тайӧ вот перйысьыс кодь.

Титлы 2:6

Зонъясӧс тшӧтш велӧд лоны сюсь вежӧраӧн.

1 Тимофейлы 2:15

Но ань мездмас кага чужтӧм пыр, кутчысяс кӧ эскӧмас, муслунас, вежавидзӧмас да бур оласногас.

1 Тимофейлы 2:9

Кӧсъя, медым аньяс пасьтасисны лючки-бура, мичмӧдісны асьнысӧ рамлунӧн да вежавидзӧмӧн, а эз юрсинысӧ баситӧмӧн, зарни-жемчуг ӧшлӧмӧн да дона паськӧмӧн.

1 Тимофейлы 1:14

Миян Господь озыра тыртіс менӧ Аслас буралӧмнас. Исус Кристос пыр меным сетӧма эскӧм да муслун.

Ефесӧ 3:4

Тайӧ гижӧдсӧ лыддигӧн ті верманныд тӧдмавны, кутшӧм бура ме гӧгӧрвоа Кристослысь гусяторсӧ.

2 Коринфӧ 12:13

Мый тіянлы оз тырмы? Ӧд мукӧд вичколы моз ме сеті тіянлы ставсӧ. Гашкӧ, сӧмын эг сьӧктӧд тіянӧс? Энӧ мыждӧй менӧ таысь.

1 Коринфӧ 3:10

Енлӧн бурсетӧмыс вӧсна ме лои бур тэчысьӧн да пукті подувсӧ, а мӧд лэптӧ сы вылӧ. Но быдӧн мед видзӧдӧ аслас удж бӧрся.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Шусьӧгъяс 25:27

Абу бур – уна ма сёйны, абу бур – ошкӧмсӧ корсьны.

3 Иоан 1:9

Ме гижлі вичкоас, но сэні асьсӧ ыджыдӧ пуктысь Диотреф оз кывзы миянӧс.

Колосӧ 2:13

Тіянӧс, мыжъясныд да вундыштчытӧмныд вӧсна кулӧмаясӧс, Енмыс ловзьӧдіс Кристоскӧд. Сійӧ прӧститіс миянлысь став лёк вӧчӧмнымӧс,

Колосӧ 1:29

Та могысь ме уджала да вермася ме пытшкын олысь Кристос вынӧн.

Ефесӧ 3:2

Дерт, ті кывлінныд нин, мый меным сетӧма удж – вайны тіянлы Енсянь буралӧмсӧ.

2 Коринфӧ 10:13

Ми огӧ ошйысьӧй этш тӧдтӧг. Ошйысям сӧмын сійӧн, мый Енмыс шуис вӧчны миянлы. Сійӧ тшӧктіс уджавны тшӧтш тіян пӧвстын.

Филипӧ 2:13

Ӧд Ачыс Енмыс уджалӧ тіян пытшкын, медым ті кӧсйинныд вӧчны да вӧчинныд Сылӧн бур кӧсйӧмыс серти.