Римӧ 12:10 - Коми Библия 2023

¹⁰ Радейтӧй ӧта-мӧднытӧ чой-вокӧс моз, пуктӧй ӧта-мӧднытӧ ассьыд вылӧджык.

Римӧ 12:10 Referans Kwoze

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Еврейяслы 13:1

Тіян костын мед пыр лоӧ муслун.

1 Иоан 4:11

Мусаясӧй, Енмыс кӧ татшӧма радейтӧ миянӧс, миянлы тшӧтш колӧ радейтны ӧта-мӧднымӧс.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 2:17

Быдӧнӧс пыдди пуктӧй, вокъясӧс радейтӧй, Енсьыс полӧй, ӧксыӧс бурӧ пуктӧй.

1 Фессалоникаӧ 4:9

Эскысьяс дінӧ муслун йылысь абу колана гижны тіянлы, ӧд Ачыс Енмыс велӧдіс тіянӧс радейтны ӧта-мӧднытӧ.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Псалтыр 133:1

Крамӧ мунігӧн сьылӧм. Ошкӧй Господьӧс, став Сылӧн кесйӧгъяс! Ошкӧй Господьӧс ті, кодъяс войся кадӧ кесъяланныд Господьлӧн крамын, [миян Енлӧн йӧръясын]!

1 Иоан 4:20

Коді шуӧ, ме пӧ радейта Енсӧ, но мустӧмтӧ ассьыс воксӧ, сійӧ пӧръясьӧ. Оз кӧ радейт воксӧ, кодӧс аддзӧ, вермас-ӧ радейтны Енсӧ, кодӧс оз аддзы?

2 Петыр 1:7

вежавидзӧманыд – воктӧ радейтӧм, воктӧ радейтӧманыд – муслун.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Иоан 15:17

Ме тшӧкта тіянлы: радейтӧй ӧта-мӧднытӧ».

Римӧ 13:7

Сідзкӧ, сетӧй быдӧнлы коланасӧ: кодлы вот сетны – сылы вот сетӧй, кодлы мын – сылы мын, кодысь колӧ повны – сыысь полӧй, кодӧс колӧ пыдди пуктыны – сійӧс пыдди пуктӧй.

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

Лука 14:10

Кор тэ локтан кӧлысь вылӧ, пуксьы пызан помланьыс. Тэнӧ корысь кӧ матыстчас да шуас: ”Ёртӧй, пуксьы матӧджык”, сэки тэ лоан корӧмаяс водзын пыдди пуктӧмаӧн.

Матвей 20:26

Но ті тадзи энӧ вӧчӧй. Кӧсъян кӧ ыджыдӧ пуксьыны – кесъяв,

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

Колосӧ 1:4

Ми кывлім став вежа войтыр дінӧ муслунныд йылысь да Исус Кристослы эскӧмныд йылысь.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Иов 1:4

Иовлӧн пияныс тшӧкыда чукӧртчывлісны ӧта-мӧд ордас. Быдӧн ас кадӧ аслас керкаын лӧсьӧдліс гаж, корліс сёйны-юны тшӧтш куимнан чойсӧ.

Олӧм 13:9

Вай торйӧдчам. Став муыс тэ водзын. Тэ кӧ мунан шуйгавылӧ, ме муна веськыдвылӧ, а мунан кӧ веськыдвылӧ, ме муна шуйгавылӧ».

Еремей 38:12

Эфиопияса Эведмелек шуис Еремейлы: «Киняулӧдыд гартышт асьтӧ гезнас, а киссьӧм кӧлуйсӧ гез улас сюйышт». Еремей дзик сідзи и вӧчис.