Римӧ 11:28 - Коми Библия 2023

²⁸ Найӧ эз сибӧдны Бур Юӧрсӧ, Енлы паныд сувтісны. Тайӧ лои тіян вӧсна. Но найӧ бӧрйӧм войтыр, и Енмыс радейтӧ найӧс батьясныс вӧсна.

Римӧ 11:28 Referans Kwoze

Индӧд 10:15

Но Господь сӧмын тіянлысь батьяснытӧ радейтіс-сибӧдіс. Тіянӧс, насянь чужысьясӧс, Сійӧ бӧрйис войтыръяс пӧвстысь, и тайӧ ӧніӧдз тадзи.

Римӧ 11:7

Сідзкӧ, мый артмӧ? Израиль эз аддзы, мый корсис, сӧмын бӧрйӧмаяс аддзисны. Мукӧдыс чорзьӧдчисны,

Римӧ 9:5

и налӧн эмӧсь батьяс. Тайӧ войтырысь петіс Кристос, Сійӧ чужис морт кодьӧн. Сійӧ став вылас медыджыд Ен. Ошкӧм Сылы нэмъяс чӧж! Аминь.

Матвей 21:43

Та вӧсна шуа тіянлы: Енсянь Юралӧмсӧ мырддясны тіянлысь да сетасны войтырлы, коді вайӧ Ен Юралӧмлысь вотӧссӧ.

Римӧ 11:11

Сідзкӧ, найӧ ӧмӧй усьмӧныс крукасисны? Эз. Налӧн крукасьӧмыс вайис мездмӧм ентӧдтӧмъяслы, и та вӧсна на пытшкын кыптіс вежалӧм.

Микей 7:20

Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.

Еремей 31:3

Ылісянь Господь петкӧдчис меным да шуис: – Ме радейта тэнӧ, Израиль, помтӧм муслунӧн, та вӧсна Ме петкӧдла тэныд Ассьым буралӧмӧс.

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Римӧ 11:30

Коркӧ ті, мукӧд войтыр, энӧ кывзысьӧй Енмыслысь, но Израильлӧн кывзысьтӧмлун вӧсна Енмыс вӧлі бур сьӧлӧма тіян дінӧ.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Ап. уджъяс 14:2

Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм.

Лука 1:54

Сійӧ сибӧдіс Израильӧс, Ассьыс кесъялысьсӧ, эз вунӧд Ассьыс буралӧмсӧ,

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,