Римӧ 11:2 - Коми Библия 2023

² Енмыс эз эновт Ассьыс водзвыв бӧрйӧм войтырсӧ. Онӧ ӧмӧй тӧдӧй, мый висьталӧма Гижӧдас Илля йылысь? Сійӧ норасьӧ Енлы Израиль вылӧ:

Римӧ 11:2 Referans Kwoze

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Римӧ 9:23

медым петкӧдлыны Ассьыс помасьлытӧм дзирдлунсӧ ”буралӧмыслӧн дозъяс” вылын, кодъясӧс дасьтӧма дзирдавны.

Ап. уджъяс 3:17

Вокъяс, ме тӧда, ті асланыд юралысьяс моз вӧчинныд тайӧс гӧгӧрвотӧг.

Олӧм 44:15

Ӧсип шуис налы: «Мый ті вӧчинныд? Эн ӧмӧй гӧгӧрвоӧй, мый ме ставсӧ верма тӧдмавны?»

Римӧ 9:6

Енмыслӧн кывйыс эз вожав. Ӧд абу став израильсаыс Израильлӧн,

Ап. уджъяс 13:48

Тайӧс кылӧм бӧрын ентӧдтӧмъяс пондісны нимкодясьны да ошкыны Господьӧс Сылӧн кывйысь. Эскисны ставныс, кодъяслы шуӧма пырны помтӧм олӧмӧ.

Ап. уджъяс 7:40

Ааронлы найӧ шуисны: ”Вӧч миянлы енъясӧс, кодъяс мунасны миян водзвылын. Ми огӧ тӧдӧй, мый лои Мӧисейкӧд, миянӧс Египетысь петкӧдысьнымкӧд”.

Иоан 4:11

Ань шуис Сылы: «Господьӧй, юкмӧсыс ӧд джуджыд, мыйӧн нӧ Тэ сэтысь гумовтан? Кытысь Тэ ловъя васӧ босьтан?

Лука 4:1

Исус локтіс Йӧрдан ю дорысь. Сійӧ вӧлі тырӧма Вежа Лолӧн, и Лов нуӧдіс Сійӧс овтӧминӧ.

Неемий 9:30

Уна во чӧж Тэ виччысин, Аслад Ловсянь Тэ ӧлӧдлін найӧс пророкъяс пыр, но найӧ эз кывзыны. Сэки Тэ сетін найӧс мукӧд войтыръяслӧн киӧ.

Лыд 16:15

Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Еврейяслы 1:1

Енмыс важысянь унаысь да уна ногӧн шыасьліс миян батьяс дінӧ пророкъяс пыр.

Филипӧ 1:22

Кута кӧ водзӧ вир-яйын овны, унатор на верма вӧчны. Мый бӧрйыны – ог тӧд.

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

1 Коринфӧ 6:2

Ті ӧмӧй онӧ тӧдӧй, мый вежа войтыр кутас мыждыны муюгыдсасӧ? Кутанныд кӧ мыждыны муюгыдсасӧ, мыйла тайӧ ичӧтикторъясыс кузя онӧ вермӧй ӧти кывйӧ воны?

Еремей 31:37

Господь тадзи висьталӧ: – Выліын енэжсӧ он вермы муртавны, уліын муюгыдлысь подувсӧ он вермы туявны, тадзи жӧ Ме ог вермы ӧтдортны Израиль войтырӧс сыысь, мый найӧ вӧчисны, – висьталӧ Господь.

Марк 12:26

Ловзьӧм йылысь шуа – ті ӧмӧй энӧ лыддьылӧй Мӧисей небӧгысь сотчысь лежнӧг дорын вӧвлӧмтор йылысь? Ен шуис Мӧисейлы: ”Ме Ӧвраамлӧн Ен, Исааклӧн Ен да Яковлӧн Ен”.

Римӧ 6:16

Ті ӧмӧй онӧ тӧдӧй: кодлы ті сетанныд асьнытӧ кесъявны, сылӧн ті и кесйӧгъяс. Кывзысянныд кӧ мыжыслысь – куланныд, Енмыслысь кӧ кывзысянныд – веськыдӧн лоанныд.

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.