Римӧ 10:16 - Коми Библия 2023

¹⁶ Но эз ставныс кывзыны Бур Юӧрсӧ. Исай шуӧ: «Господьӧй, коді эскис миян висьталӧмӧ?»

Римӧ 10:16 Referans Kwoze

Исай 53:1

Коді эскис миян висьталӧмӧ? Кодлы петкӧдчис Господьлӧн вына киыс?

Римӧ 3:3

На пӧвстысь кӧ кодсюрӧ эз эскыны, налӧн эскытӧмысь ӧмӧй бырӧ Енлӧн эсканлуныс?

Еврейяслы 4:2

Египетысь петысьяслы миянлы моз вӧлі висьталӧма Бур Юӧрсӧ, но тайӧ нинӧм эз сет налы, ӧд найӧ эз эскыны тайӧ Юӧрыслы да эз сибӧдны сійӧс сьӧлӧманыс.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Галатӧ 5:7

Ті бура мунінныд. Но коді тіянӧс падмӧдіс, мый дугдінныд кывзысьны збыльыслысь?

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

Еврейяслы 11:8

Эскӧм вӧсна Ӧвраам кывзысис Енмыслысь да муніс кӧсйысьӧм муӧ. Сійӧ эз тӧд, кытчӧ мунӧ, но муніс.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Римӧ 6:17

Ошкӧм Енлы, ӧд коркӧ ті вӧлінныд мыжыслӧн кесйӧгъяс, ӧні ті став сьӧлӧмнаныд кутчысянныд тіянлы висьталӧм велӧдӧмас.

Римӧ 2:8

Но чорыд скӧрлун виччысьӧ найӧс, кодъяс радейтӧны сӧмын асьнысӧ, кодъяс оз овны збыльыс серти, а сетчӧны ылӧгас.

1 Петыр 3:1

Гӧтыръяс, кывзысьӧй асланыд верӧсныдлысь. Сэки Ен кывлысь кывзысьтӧм верӧсъяс тіян олӧм вылӧ видзӧдӧмӧн висьтавтӧг-велӧдтӧг кутасны эскыны.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

Галатӧ 3:1

Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

Римӧ 11:17

Быдтӧм олив пуысь кӧ ӧткымын вож чегисны, а тэнӧ, вӧрса олив пу вожӧс, йитісны чегӧминас, и тэ мукӧд вожыскӧд ӧти вужсянь кутін босьтны быдман вынсӧ,

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

Ап. уджъяс 28:24

Ӧтияс эскисны, мӧдъяс эз эскыны.

Иоан 10:26

Но ті онӧ эскӧй, ӧд ті абу Менам ыжъяс. Тайӧс Ме висьтавлі нин тіянлы.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Матвей 13:14

Исай пророклӧн шуӧмыс инӧ: – Пельнаныд кутанныд кывзыны да онӧ гӧгӧрвоӧй, синнаныд кутанныд видзӧдны да онӧ аддзӧй.