Римӧ 1:6 - Коми Библия 2023

⁶ Тайӧ войтырыс лыдӧ пыранныд тшӧтш ті, Исус Кристосӧн корӧмаяс.

Римӧ 1:6 Referans Kwoze

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

1 Коринфӧ 1:9

Енмыс эскана, Сійӧ корис ӧтувтчыны тіянӧс Аслас Пиыскӧд – миян Господь Исус Кристоскӧд.

1 Петыр 2:21

Дзик та вылӧ тіянӧс корӧма, ӧд Кристос нуис сьӧкыдсӧ тіян вӧсна. Тадзи Сійӧ петкӧдліс, медым ті олінныд Сы моз.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

2 Фессалоникаӧ 2:14

Ми висьтавлім тіянлы Бур Юӧрсӧ, код пыр Енмыс корис тіянӧс мездмӧмас, мед миян Господь Исус Кристослӧн дзирдлуныс вичмис тіянлы.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

Колосӧ 1:6

Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Римӧ 9:24

”Буралӧмыслӧн дозъясыс” – тайӧ ми, ӧд Ен корис миянӧс. Корис эз сӧмын иудейясӧс, но тшӧтш мукӧд войтыръясӧс.

Колосӧ 1:21

Коркӧ ті вӧлінныд Енмыслы паныд сувтысьяс, лёк вӧчӧмныд вӧсна Сыысь ылынӧсь.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.