Римӧ 1:21 - Коми Библия 2023

²¹ Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Римӧ 1:21 Referans Kwoze

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Еремей 2:5

Господь тадзи висьталӧ: – Аддзылісны ӧмӧй тіян батьясныд, мый Ме ог веськыда вӧч? Таысь ӧмӧй найӧ ылыстчисны Меысь? Найӧ вӧтчисны идолъяс бӧрся, нинӧм бӧрся моз, и асьныс лоины татшӧмӧсь.

2 Тимофейлы 3:2

Йӧзыс пондасны радейтны сӧмын асьнысӧ, ыштыны сьӧм вылӧ, пондасны ошйысьны, асьнысӧ вылӧ пуктыны, Енсӧ омӧльтны, бать-мамсӧ оз кутны кывзыны. Найӧ ӧдйӧ вунӧдӧны бурсӧ, эскытӧмӧсь,

Восьтӧм 14:7

Анделыс гораа шуаліс: «Полӧй Енсьыс да ошкӧй Сійӧс, ӧд воис Сылӧн мыждан луныс. Копыртчылӧй Сылы, коді вӧчис енэжсӧ да мусӧ, саридзсӧ да ва петанінъяссӧ!»

Иоан 3:19

Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Римӧ 11:10

Налӧн синныс мед дзикӧдз пемдас, сюрса лыныс мед кусыньтчас пыр кежлӧ.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Римӧ 1:19

Найӧ тӧдӧны Ен йылысь тӧдны позянасӧ, ӧд тайӧс налы Енмыс восьтіс.

Римӧ 15:9

Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма: – Та вӧсна ме кута нимӧдны Тэнӧ мукӧд войтыръяс пӧвстын, кута сьылӧмӧн ошкыны Тэнсьыд нимтӧ.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Исай 60:2

Мусӧ вевттяс пемыдыс, сап пемыдыс вевттяс войтыръясӧс, но тэ весьтын петкӧдчас Господь, тэ весьтын тыдовтчас Сылӧн дзирдлуныс.

1 Петыр 1:18

Ті ӧд тӧданныд, мый тіянӧс ньӧбӧма абу бырана эзысь-зарни вылӧ, медым мездыны тіянӧс весьшӧрӧ олӧмысь, коді вуджис тіянлы батьяссяньныд.

Еклесиаст 7:29

Сӧмын ӧтитор ме гӧгӧрвои: Енмыс вӧчис мортӧс веськыдӧн, но йӧзыс сетчисны уна ковтӧм мӧвпалӧмӧ.

Индӧд 28:29

Луншӧрнас ті кутанныд ветлӧдлыны кималасӧн, кыдзи синтӧм ветлӧдлӧ пемыдас. Тіян нинӧм оз кут артмыны. Лунысь-лун тіянӧс кутасны увтыртны да дзескӧдны, и тіянӧс некод оз дорйы.

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Ӧксыяслӧн 3 небӧг 20:23

Арамса ӧксылӧн йӧзыс шуисны сылы: «Израильлӧн Енмыс – керӧсъяслӧн ен [абу ласталӧн ен], та вӧсна найӧ вермисны миянӧс. Ми кӧ накӧд вермасям ласта вылын, вермам найӧс.

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Езекиль 20:25

Та вӧсна Ме сеті налы индӧд-тшӧктӧмъяс, мый оз вай бурсӧ да олӧмсӧ.

Езекиль 14:5

Израиль войтыр мед сьӧлӧмнас гӧгӧрвоас, мый идолъяс вӧснаыс найӧ ставныс ылыстчисны Меысь.