Римӧ 1:20 - Коми Библия 2023

²⁰ Му пуксьӧмсяньыс Енлӧн став вӧчӧмторйысь позьӧ аддзыны тыдавтӧмсӧ: Енлысь помтӧм вынсӧ да Сылысь енмалунсӧ. Та вӧсна налы дорйысьнысӧ нинӧмӧн.

Римӧ 1:20 Referans Kwoze

Римӧ 1:19

Найӧ тӧдӧны Ен йылысь тӧдны позянасӧ, ӧд тайӧс налы Енмыс восьтіс.

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Псалтыр 8:3

Челядь да морӧсбердса кагаяс вомсянь Тэ кыпӧдан Аслыд ошкӧмсӧ, медым янӧдны Тэнӧ мустӧмтысьясӧс, медым тупкыны лӧгалысьяслысь да водзӧс перйысьяслысь вомсӧ.

Римӧ 2:15

Тайӧ петкӧдлӧ, мый Индӧдсӧ гижӧма налӧн сьӧлӧмас. Буретш та йылысь и висьталӧ налӧн сьӧлӧмыс да мӧвпъясыс, найӧ либӧ мыждӧны, либӧ дорйӧны найӧс.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 15:22

Эг кӧ Ме лок да эг сёрнит накӧд, найӧ эськӧ эз вӧвны мыжаӧсь. Ӧні найӧ оз вермыны шуны, мый абу мыжаӧсь.

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

Колосӧ 2:9

Кристосын, Сылӧн морт вир-яйын, тыдовтчис Енлӧн став тырвыйӧлуныс.

Псалтыр 139:13

Ме тӧда, мый Господь дорйӧ коньӧръясӧс, Сійӧ сувтӧ гӧльяс дор.

Псалтыр 104:5

Ті, Ӧвраамсянь чужысьяс, Господьлӧн кесйӧгъяс, Яковлӧн пиян, Господьлӧн бӧрйӧмаяс, энӧ вунӧдӧй Сылысь шензьӧданаторъяссӧ, индысьпасъяссӧ да веськыда мыждӧмсӧ.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Римӧ 2:1

Мортӧй, тӧд, мый мӧдӧс мыждігӧн тэ он вермы дорйысьны. Мӧдӧс мыждӧмнад тэ асьтӧ мыждан, ӧд ачыд тшӧтш сы моз олан.

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

Еремей 5:21

– Мывкыдтӧм да вежӧртӧм войтырӧй, кывзы тайӧ кывъяссӧ. Тіян эм синъяс, но ті онӧ аддзӧй, тіян эм пельяс, но ті онӧ кылӧй.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Псалтыр 104:31

Господь шуис, и лӧдз-гут вевттис енэжсӧ, гебъяс кутісны лэбавны став му пасьталаыс.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Еврейяслы 11:27

Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Олӧм 21:33

Бер-Шеваын Ӧвраам пуктіс тамариск пу да шыасис Господь нимӧ, пыр олысь Ен дінӧ.

Ап. уджъяс 22:1

«Вокъясӧй да батьясӧй, кывзӧй! Ачымӧс дорйӧм могысь ме кӧсъя мыйкӧ шуны тіянлы».

Олӧм 1:1

Медводз Ен вӧчис енэж да му.

Иов 12:7

Юав пемӧсъяслысь – найӧ тэнӧ велӧдасны, юав енэжвыв лэбачьяслысь – найӧ тэныд юӧртасны.

Еремей 51:15

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Марк 10:6

Му пуксьӧмсяньыс Ен вӧчис аймортӧс да аньӧс.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?