Римӧ 1:16 - Коми Библия 2023

¹⁶ Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Римӧ 1:16 Referans Kwoze

Марк 8:38

Коді яндысяс Меысь да Менам кывъясысь тайӧ мыжа да пежас ылалӧм йӧз водзын, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн».

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

1 Петыр 4:16

Но сьӧкыдалӧ кӧ кодкӧ Кристослы эскӧмысь, мед оз яндысь. Мӧдарӧ, мед ошкӧ Енсӧ таысь.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

Лука 9:26

Коді яндысяс Меысь да Менам кывъясысь, сыысь яндысяс Морт Пи, кор локтас Аслас дзирдлунӧн, Батьыслӧн да вежа анделъяслӧн дзирдлунӧн.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

1 Коринфӧ 2:4

Ме висьтавлі тіянлы да сёрниті тіянкӧд эг аслам мывкыдлунсянь, эг эскӧдан кывъясӧн, но менам кывъясын вӧлі Ловлӧн выныс.

1 Коринфӧ 2:2

Ме мӧвпышті, мый тіянын олігӧн кӧсъя тӧдны сӧмын Исус Кристосӧс – тувъялӧм Кристосӧс.

Римӧ 10:17

Эскӧмыс ӧд кылӧмсянь, а кылӧмыс Ен кывсянь.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

1 Коринфӧ 15:2

Тайӧ Евангелльӧыс пыр ті мездманныд, кутанныд кӧ зумыда кутчысьны менам висьтавлӧмӧ. Онӧ кӧ, тіян эскӧмныд весьшӧрӧ.

Еремей 23:29

Менам кывйӧй ӧд би кодь, – висьталӧ Господь, – сійӧ изкырта жуглысь ыджыд мӧлӧт кодь.

Галатӧ 1:7

Збыльвылас кӧ, мӧд бур юӧрыс абу, эмӧсь сӧмын тіянӧс шӧйӧвоштысьяс. Найӧ кӧсйӧны дзугны Кристос йылысь Бур Юӧрсӧ.

Римӧ 2:9

Ыджыд шог да сьӧкыдалӧм виччысьӧ быдӧнӧс, коді вӧчӧ лёксӧ: медводз иудейӧс, сэсся грекӧс.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

Исай 53:1

Коді эскис миян висьталӧмӧ? Кодлы петкӧдчис Господьлӧн вына киыс?

1 Тимофейлы 1:11

Тадзи висьталӧ ошкана Енлӧн дзирдлун йылысь Бур Юӧрыс, и тайӧ Юӧрсӧ висьтавлыны Енмыс мӧдӧдіс менӧ.

2 Коринфӧ 9:13

Тіянлысь бур вӧчӧмнытӧ аддзигӧн вежа войтыр кутас ошкыны Енсӧ, ӧд ті кывзысьӧмӧн оланныд Кристослӧн Евангелльӧ серти, мый йылысь восьсӧн висьтавланныд. Найӧ ошкӧны Енсӧ, ӧд ті лышкыда юксянныд накӧд, тшӧтш мукӧдыскӧд.

2 Коринфӧ 2:12

Кор ме локті Троада карӧ висьтавлыны Кристос йылысь Бур Юӧрсӧ, Господь восьтіс меным ӧдзӧс сэні уджавны.

1 Коринфӧ 9:18

Сідзкӧ, кутшӧм менам удждонӧй? Удждонӧй менам – висьтавлыны Кристос йылысь Бур Юӧрсӧ дон босьттӧг. Дерт, ме верма Бур Юӧр висьтавлӧмысь дон босьтны, но ог кӧсйы тадзи вӧчны.

1 Коринфӧ 9:12

Мукӧдыслы кӧ ті вичмӧданныд, сідзкӧ, ми ёнджыка на вермам та вылӧ лача кутны. Но ми нинӧм эгӧ корлӧй тіянлысь. Мӧдарӧ, ми нуам став сьӧкыдсӧ, медым эгӧ вӧлӧй крукӧдӧн Кристослӧн Бур Юӧрлы.

Римӧ 15:29

Ме тӧда, мый локта тіян дінӧ Кристослӧн тыр бурсиӧмӧн.

2 Тимофейлы 1:16

Господь мед лоас бур сьӧлӧма Ӧнисифорлӧн гортса дінӧ, ӧд сійӧ унаысь ышӧдліс менӧ да эз яндысьлы менам пукалӧмысь.

Римӧ 4:11

Вундыштӧм пасыс Ӧвраамлы висьталіс, мый сійӧ вундыштчытӧдзыс на эскис, та вӧсна лои веськыдӧн. Тадзи Ӧвраам лои батьӧн став вундыштчытӧм эскысьыслы, медым и найӧ эскӧм пыр вермисны лоны веськыдӧн.

Псалтыр 110:2

Господьлӧн уджъясыс ыджыдӧсь, Сылысь уджъяссӧ радейтысьяс кӧсйӧны тӧдны найӧс.

Иоан 7:35

Иудейяслӧн веськӧдлысьяс ас костаныс сёрнитісны: «Кытчӧ Сійӧ кӧсйӧ мунны, мый огӧ вермӧй аддзыны Сійӧс? Оз-ӧ кӧсйы мунны миян йӧз дінӧ, кодъяс олӧны грек войтыр пӧвстын? Оз-ӧ кӧсйы грек войтырӧс велӧдны?