Псалтыр 99:3 - Коми Библия 2023

³ Тӧдӧй, мый Господь эм Ен. Сійӧ вӧчис миянӧс, и ми – Сылӧн, ми – Сылӧн войтырыс, Сылӧн йӧрысь ыжъясыс.

Псалтыр 99:3 Referans Kwoze

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Индӧд 28:58

Онӧ кӧ кутӧй овны тайӧ Индӧдлӧн став кывъясыс серти, мый гижӧма тайӧ небӧгас, да онӧ кутӧй повны асланыд Господь Енлӧн пыдди пуктана да повзьӧдана нимысь,

Псалтыр 111:9

Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Иоан 17:11

Ме абу нин муюгыдас. Ме локта Тэ дінӧ, а найӧ кольӧны на муюгыдас. Вежа Батьӧй, видз Меным сетӧмаястӧ Аслад нимӧн, медым найӧ вӧліны Миян моз ӧтвыв.

Псалтыр 66:3

Сэки му вылын олысьяс тӧдмаласны Тэнсьыд туйтӧ, войтыръяс пӧвстын тӧдмаласны Тэнсьыд мездӧмтӧ.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Нав Исус 24:19

Исус шуис войтырыслы: «Ті онӧ вермӧй кесъявны Господьлы, ӧд Сійӧ – вежа Ен, Сійӧ – вежӧгтысь Ен. Господь оз терпит тіянлысь лёк вӧчӧмъяснытӧ да мыжъяснытӧ.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Псалтыр 76:1

Едутунлы, сьылысьясӧн веськӧдлысьлы. Асафлӧн псалом.

Ӧксыяслӧн 1 небӧг 2:2

Сӧмын Господь вежа, Сыысь кындзи мӧдыс абу. Миян Ен кодь дорйысьыс абу.

Еремей 20:11

Но мекӧд Господь, Сійӧ дорйӧ менӧ вына тышкасьысь моз. Та вӧсна менӧ дзескӧдысьяс крукасясны, найӧ менӧ оз вермыны. Найӧ ёна яналасны, ӧд вӧчисны мывкыдтӧма, найӧс янӧдӧмсӧ некор оз ло вунӧдӧма.

Псалтыр 76:12

Но ме кута казьтывлыны Господьлӧн уджъяс йылысь, Сылӧн важся шензьӧданаторъяс йылысь.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Неемий 9:5

Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»

Псалтыр 100:4

Ме вӧтла ас пытшкысь наян мӧвпъяс, лёкыскӧд ме ог ӧтувтчы.

Псалтыр 103:1

Ошкы Господьӧс, менам лолӧй! Господьӧй, менам Енмӧй, Тэ шензьӧдана ыджыд! Тэ вевттьысьӧмыд дзирдлунӧн да ыджыдалан вынӧн.