Псалтыр 97:1 - Коми Библия 2023

¹ [Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Псалтыр 97:1 Referans Kwoze

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

Псалтыр 99:1

[Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Псалтыр 93:1

Господьӧй, Тэ – водзӧс перйысь Ен. Водзӧс перйысь Енмӧй, петкӧдчы дзирдлуннад!

Восьтӧм 11:17

Найӧ шуалісны: – Господьӧй Енмӧй, Ставсӧвермысьӧй, ми аттьӧалам Тэнӧ. Тэ эм, вӧлін и локтан! Аслад ыджыд выннад Тэ лоин ӧксыӧн.

Марк 11:10

Бурсиӧма миян Давид батьлысь локтан юралӧмсӧ, Господь нимӧн локтан юралӧмсӧ! Ошкӧм Медвылыссалы!

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Олӧм 10:5

Насянь рӧдмисны дівывса да саридздорса войтыръяс. Быд войтыр овмӧдчис аслас муӧ чужанвуж да кыв сертиныс.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Матвей 6:10

Мед воас Тэнад Юралӧмыд. Мед инас Тэнад кӧсйӧмыд му вылын енэжын моз.

Матвей 3:3

Иоан йылысь Исай пророк висьталӧма тадзи: – Овтӧминын кылӧ горзысьлӧн шы: «Лӧсьӧдӧй туй Господьлы, веськӧдӧй-шыльӧдӧй ордымъяс Сылы!»

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Исай 51:5

Менам веськыдлунӧй матын, Месянь мездмӧмыс регыд нин воас, Менам киӧй мыждас войтыръясӧс. Саридз дорын олысьяс виччысьӧны Месянь отсӧг, лача кутӧны Менам вынӧй вылӧ.

Исай 49:1

Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним.

Исай 42:4

Сійӧ оз лигышмун, оз жебмы, Сійӧ вынсьӧдас му вылын веськыда мыждӧм. Сылысь велӧдӧмсӧ виччысьӧны саридз дорын олысьяс.

Исай 41:5

Саридз дорын олысьяс аддзисны, мый Ме вӧчи, найӧ повзисны, мулӧн быд пельӧс пондіс тіравны. Найӧ матыстчисны ӧта-мӧд дінас да ӧтвывтчисны.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Псалтыр 2:11

Кесъялӧй Господьлы полӧмпырысь, [Сы водзын] нимкодясьӧй вежавидзӧмӧн.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.