Псалтыр 94:10 - Коми Библия 2023

¹⁰ Нелямын во чӧж Ме дӧзмывлі на вылӧ. Ме шуи: – Тайӧ войтырыс сьӧлӧмнас ылалӧма, Менсьым туйясӧс найӧ оз тӧдны.

Псалтыр 94:10 Referans Kwoze

Иов 35:11

коді пемӧслы дорысь миянлы унджык сетӧ гӧгӧрвоӧмлунсӧ, енэжвыв лэбачӧс дорысь миянӧс ёнджыка вежӧрсьӧдӧ».

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Еремей 10:25

Кисьт Ассьыд скӧрлунтӧ войтыръяс вылӧ, кодъяс оз тӧдны Тэнӧ, кисьт Ассьыд скӧрлунтӧ чужанкотыръяс вылӧ, кодъяс оз шыасьны Тэ дінӧ. Найӧ косявлісны Яковлысь рӧдсӧ, пазӧдісны-бырӧдісны сійӧс, куштісны сылысь оланінсӧ.

Псалтыр 44:2

Менам сьӧлӧмысь петӧны мича кывъяс, ме сьыла ӧксы йылысь, кывъясӧй ворсӧдчӧны мичаа гижысьлӧн ки моз.

Иоан 6:45

Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.

Аввакум 3:12

Тэ талялан мусӧ скӧрлуннад, войтыръясӧс – лӧглуннад.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Езекиль 39:21

Ме петкӧдла Ассьым дзирдлунӧс войтыръяс пӧвстын. Войтыръяс аддзасны Менсьым мыждӧмӧс да на вылӧ кыпӧдӧм киӧс.

Исай 54:13

Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Псалтыр 9:5

Медым веськыда мыждыны, Тэ пуксин юралан пуклӧсӧ, Тэ веськыда мыждін менӧ, петкӧдлін менсьым мыжтӧмлунӧс.

Псалтыр 149:7

сыӧн мед водзӧс перъясны войтыръяслысь, мыждасны войтыръясӧс.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,