16 Ме нюжӧда сылысь олан лунъяссӧ, петкӧдла сылы Ассьым мездӧмӧс». Ошкӧм.
Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.
Сьылысьясӧн веськӧдлысьлы. Сьылӧны ”Шушан” шылад улӧ. Корей пиянлӧн сьыланкыв. Муслун йылысь.
Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.
Но уна валӧн бузгӧм дорысь, саридзлӧн гызьӧм дорысь ёна вынаджык выліинын олысь Господь.
Налӧн батьяслӧн син водзын Енмыс вӧчис шензьӧданаторъяс Египет муын, Цоан эрд вылын.
Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.
Тайӧ муас пырасны тіян ныв-пиныд, кодъяс оз на кужны торйӧдны бурсӧ лёксьыс. На йылысь ті шулінныд, мый шедасны вӧрӧг киӧ, но налы Ме сета Ханаан му, и найӧ босьтасны сійӧс аслыныс.