Псалтыр 90:12 - Коми Библия 2023

¹² Найӧ нуасны тэнӧ ки выланыс, видзасны изйӧ крукасьӧмысь.

Псалтыр 90:12 Referans Kwoze

Псалтыр 39:4

пуктіс менам вомӧ выль сьыланкыв – миян Енмӧс ошкана сьыланкыв. Тайӧс аддзигӧн унаӧн кутасны повны-вежавидзны Господьысь, лача кутасны Сы вылӧ.

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.

Шусьӧгъяс 4:7

Олӧмас медся коланаыс – мывкыдлун, корсь сійӧс, ставсӧ сет, медым вежӧрсявны.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Шусьӧгъяс 23:12

Ассьыд сьӧлӧмтӧ велӧдӧмлань бергӧд, ассьыд пельтӧ тӧдӧмлунлань чошкӧд.

Шусьӧгъяс 22:17

Копырт пельтӧ да кывзы мывкыд йӧзлысь кывъяссӧ, бергӧд сьӧлӧмтӧ менам тӧдӧмлунлань.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Шусьӧгъяс 4:5

Мывкыдмы, вежӧрсяв, эн вунӧд менсьым кывъясӧс, эн кеж менам шуӧмысь.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Шусьӧгъяс 23:23

Ньӧб збыльсӧ, эн вузав мывкыдтӧ, велӧдӧмтӧ да вежӧртӧ.

Псалтыр 39:5

Шуда сійӧ мортыс, коді лача кутӧ Господь вылӧ, а оз шыась вылӧ кыпӧдчысьяс да ылӧгас кежысьяс дінӧ.

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.