Псалтыр 90:10 - Коми Библия 2023

¹⁰ Оз су тэнӧ лёкыс, пеж висьӧм оз инмӧдчы тэнад оланінӧ.

Псалтыр 90:10 Referans Kwoze

Яков 4:14

Но ті весиг онӧ тӧдӧй, мый ваяс тіянлы аскиа луныс. Ӧд тіян олӧмныд ру кодь, петкӧдчылас дженьыдик кад кежлӧ, а сэсся бырас.

Ӧксыяслӧн 2 небӧг 19:35

Меным кӧкъямысдас арӧс нин. Ог нин сяммы торйӧдны бурсӧ лёксьыс. Сёян-юанлысь кӧрсӧ ог нин кыв. Сьӧкыда нин кыла сьылысьяслысь сьылӧмсӧ. Мыйла меным, тэнад кесйӧглы, сьӧктӧдны тэнӧ, ӧксыӧй-ыджыдӧй?

Олӧм 47:9

Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Индӧд 34:7

Мӧисейлы вӧлі сё кызь арӧс, кор сійӧ куліс. Но синмыс сылӧн вӧлі бур, выныс сылӧн эз чинлы.

Ӧксыяслӧн 3 небӧг 1:1

Давид ӧксы пӧрысьмис, вӧлі ыджыд арлыда нин. Ӧксыӧс вевттялісны-поньталісны шебрасъясӧн, но сійӧ некыдз эз вермы шонавны.

Иов 24:24

Найӧ сӧмын на кыпӧдчасны, и абуӧсь нин, став йӧзыс моз найӧ усясны да куласны, найӧс нетшкасны шептӧс моз.

Иов 14:10

А мортыс вынтӧммӧ да кулӧ. Кор сылӧн лолыс петас, кӧні сійӧ лоӧ?

Исай 38:12

Ыж видзысьлысь чомсӧ моз менсьым оланінӧс разьӧма, ылыстӧма ме дінысь. Ме гартышті ассьым олӧмӧс, кыдзи дӧра кыысь гартыштӧ кыӧм дӧрасӧ, ӧні Господь вундас менӧ кысян стан бердысь. Лун и вой ме виччыси, мый Тэ мӧдӧдан меным олӧм пом.

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

Иов 20:8

Вӧт моз сійӧ лэбыштас-вошас, и сійӧс оз нин аддзыны, войся петкӧдчылӧм моз сійӧ бырас.

Олӧм 6:3

Господь [Ен] шуис: «Менам лолалӧмӧй морт пытшкын оз пыр ло, ӧд мортыс сӧмын вир-яй. Сылӧн олан кадыс мед лоӧ сё кызь во».

Левит 27:7

Квайтымын арӧса да ыджыдджык арлыда айловысь вештысян доныс мед лоӧ дас вит сикель эзысь, а аньысь – дас сикель.

Нав Исус 14:11

но ме сэкъя кодь на ён, кор менӧ мӧдӧдліс Мӧисей. Ме важ кодьыс на вына да верма ветлыны тышӧ.

Ӧксыяслӧн 2 небӧг 19:36

Меным оз ковны лышкыд козинъяс, ӧксыӧй. Сӧмын мунышта тэкӧд Йӧрдан ю мӧдлапӧлӧдзыс.

Иов 5:7

Кыдзи бикиньлы шуӧма кайны вывлань, тадзи мортлы шуӧма чужны, мед шогсьыны.