Псалтыр 89:12 - Коми Библия 2023

¹² Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм.

Псалтыр 89:12 Referans Kwoze

Иов 26:7

Енмыс шевкнитіс войвывсӧ нинӧм весьтас, ӧшӧдіс мусӧ абутӧмас.

Нав Исус 19:22

Мудорыс мунӧ Тавор, Шагацим да Бет-Шемеш каръяс дорті да помасьӧ Йӧрдан ю дорын. Ставнас налы вичмисны дас квайт кар да нагӧгӧрса сиктъяс.

Нав Исус 12:1

Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Псалтыр 98:8

Господьӧй, миян Енмӧй, Тэ вочавидзин налы, Тэ вӧлін налӧн Енмӧн, прӧститін найӧс, но и мыждін лёк вӧчӧмсьыныс.

Ёрдысьяс 4:12

Сисарлы висьталісны, Авиноамлӧн Варак пиыс пӧ кайӧма Тавор керӧс вылӧ.

Ёрдысьяс 4:6

Девора мӧдӧдіс корны Авиноамлысь Варак писӧ Кедеш карысь, Неффалим чужанкотырлӧн муысь. Сійӧ шуис Вараклы: «Господь, Израильлӧн Ен, тшӧктӧ тэныд: ”Мун кай Тавор керӧс вылӧ. Босьт аскӧдыд Неффалим да Завулон чужанкотыръяс пӧвстысь дас сюрс мортӧс.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Псалтыр 24:1

Давидлӧн псалом. Господьӧй, Тэлань веськӧда сьӧлӧмӧс.

Псалтыр 24:2

Енмӧй, Тэ вылӧ лача кута да ог янав. Вӧрӧглы Тэ он сет нимкодясьны менӧ вермӧмысь.