Псалтыр 87:7 - Коми Библия 2023

⁷ Тэ шыбитін менӧ пыдӧстӧм гуӧ, пемыдінӧ да джуджыдінӧ.

Псалтыр 87:7 Referans Kwoze

Псалтыр 36:9

Ӧд лёк вӧчысьясӧс лоӧ бырӧдӧма, а Господь вылӧ лача кутысьяслы вичмас му.

Иоан 1:16

Миянлы быдӧнлы Сы озырлунысь вичмис буралӧм вылӧ буралӧм.

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

Ӧксыяслӧн 2 небӧг 6:14

Шабді ефод кежсьыс Давид став сьӧлӧмсяньыс чеччаліс-йӧктіс Господь водзын.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Псалтыр 46:4

Сійӧ сетіс миян кипод улӧ войтыръясӧс, пуктіс найӧс миян кок улӧ.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 68:26

Налӧн оланінъясыс мед кушмасны, налӧн чомъясын мед оз ло олысьыс.

Езекиль 47:1

Морт бӧр вайӧдіс менӧ крам ӧдзӧс дорӧ. Ме аддзи, мый крам тагӧс улысь визувтіс ва асыввывлань, ӧд крамыс видзӧдіс асыввылӧ. Ваыс петіс тагӧс лунвывладорсянь, водзӧ визувтіс висьпуктанін лунвывладортіыс.