Псалтыр 84:7 - Коми Библия 2023

⁷ Он ӧмӧй выльысь ловзьӧд миянӧс, медым Тэнад войтырыд вермис нимкодясьны Тэӧн?

Псалтыр 84:7 Referans Kwoze

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Исай 40:31

а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Псалтыр 43:3

Аслад киӧн Тэ бырӧдін мукӧд войтыръясӧс, вермин найӧс да вӧтлін тайӧ муысь, овмӧдін татчӧ миянлысь батьясӧс.

Индӧд 16:16

Куимысь вонас став айуловныд мед локтасны Господь Енныд водзӧ сійӧ местаас, мый Господь бӧръяс. Сэні пасйӧй Шомтӧм нянь сёян лунъяс, Ветымынӧд лунся гаж да Чом вӧчан лунъяс. Господь водзӧ куш киӧн мед некод оз лок,

Иоан 14:3

Ме дасьта оланін да бӧр локта босьтны тіянӧс Ас дінӧ, медым ті вӧлінныд Мекӧд.

Иоан 1:16

Миянлы быдӧнлы Сы озырлунысь вичмис буралӧм вылӧ буралӧм.

Псалтыр 42:2

Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

Иоан 15:2

Вотӧс вайтӧм увъяссӧ Сійӧ кералӧ, а вотӧс вайысь увсӧ Сійӧ весалӧ, медым вайис унджык вотӧс на.

Еремей 31:6

Воас лун, кор Ефрем керӧсвыв муын кар видзысьяс горӧдасны: ”Чеччӧй, каямӧй Сион керӧс вылӧ Господь Енным дінӧ!”

1 Фессалоникаӧ 4:17

Сэсся миянӧс, ловъяясӧс, накӧд тшӧтш лоӧ кыпӧдӧма кымӧръяс вылын сынӧдас, медым аддзысьны сэні Господькӧд. Тадзи пыр лоам Господькӧд.

Иоан 6:39

Менӧ мӧдӧдысь Батьӧй кӧсйӧ, медым Меным сетӧмаясысь весиг ӧтикӧс эг вошты да ставнысӧ найӧс ловзьӧді медбӧръя лунӧ.

Закар 14:16

Ерусалим вылӧ уськӧдчӧм войтыръясысь ловйӧн кольӧмаяс быд во кутасны волыны Ерусалимӧ, медым юрбитны Ӧксылы, Господь Саваофлы, да пасйыны Чом вӧчан лунъяс.

Исай 46:13

Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Лука 2:24

Господьлӧн Индӧд серти нӧшта колӧ вӧлі вайны вись: кык гулюӧс либӧ кык гулюпиӧс.

Псалтыр 122:2

Кыдзи кесйӧг видзӧдӧ ыджыдыслӧн ки вылӧ, сідзи ми видзӧдам Господь Енным вылӧ, виччысям Сысянь буралӧмсӧ.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Езекиль 34:26

Ме бурсиа найӧс да бурсиа Менам керӧс гӧгӧрысь мусӧ. Ас кадӧ Ме сета налы зэр, и сійӧ ваяс налы бурсиӧм.