Псалтыр 8:2 - Коми Библия 2023

² Господьӧй, миян Ыджыдӧй, кутшӧм шензьӧдана Тэнад нимыд став му пасьталаыс! Тэныд ошкӧмыс кыптӧ енэжъясысь вылӧджык на.

Псалтыр 8:2 Referans Kwoze

Матвей 21:16

Исуслы шуисны: «Кылан-ӧ, мый найӧ шуалӧны?» Исус вочавидзис: «Кыла. Ті ӧмӧй энӧ лыддьылӧй: ”Челядь да морӧсбердса кагаяс вомсянь Тэ кыпӧдан Аслыд ошкӧмсӧ”».

Исай 40:31

а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

1 Коринфӧ 1:27

Но Енмыс бӧрйис тайӧ муюгыдсьыс мывкыдтӧмсӧ, медым янӧдны мывкыдасӧ, бӧрйис жебсӧ, медым янӧдны вынасӧ,

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Лука 10:21

Сэки Исус тырис Вежа Ловсянь нимкодьлунӧн да шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы. Татшӧм вӧлі Тэнад бур кӧсйӧмыд, Батьӧй».

Псалтыр 44:16

Найӧс вайӧдӧны долыда нимкодясьӧмӧн, гажӧдчигтырйи найӧ пырӧны ӧксылӧн керкаӧ.

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Амос 5:9

Вынаясӧс Сійӧ бырӧдӧ, налысь изкарсӧ кисьтӧ.

Псалтыр 4:4

Тӧдӧй, мый Господь торйӧдіс Аслыс эскана кесйӧгӧс, Господь кылӧ, кор ме шыася Сы дінӧ.

Ӧксыяслӧн 1 небӧг 2:9

Господь видзӧ кывзысьысьяслысь воськовъяссӧ, а лёк вӧчысьяс вошӧны пемыдас, ӧд мортлы оз отсав аслас выныс.

Петӧм 11:7

Но Израиль войтыр вылӧ ни налӧн ыж-мӧс вылӧ весиг пон оз лысьт увтыштны, медым ті тӧдінныд, мый Господь торйӧдіс Израиль войтырӧс египетсаысь”.

Псалтыр 57:6

Пельтӧм змей оз кыв нимкыв лыддьысьлысь гӧлӧс шысӧ, кимӧститчысьлысь мича кывъяссӧ.

Псалтыр 148:13

Ставныс мед ошкасны Господьлысь нимсӧ, ӧд Сылӧн нимыс ставсьыныс медвылын, Сылӧн дзирдлуныс петкӧдчӧ му вылын и енэжын.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»