Псалтыр 79:5 - Коми Библия 2023

⁵ Господьӧй, Ен Саваоф, дыр-ӧ на Тэ кутан скӧравны Аслад войтырыд вылӧ, ӧтдортны кевмысьӧмнымӧс?

Псалтыр 79:5 Referans Kwoze

Псалтыр 85:5

Господьӧй, Тэ бур да мелі сьӧлӧма, Тэ ёна буралан Тэнсьыд отсӧг корысьяс дінӧ.

Псалтыр 74:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Асафлӧн псалом. Сьыланкыв.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Индӧд 29:20

Господь оз прӧстит татшӧм мортсӧ, а ӧзъяс скӧрлунӧн да кисьтас сы вылӧ Ассьыс ярлунсӧ. Сы вылӧ усяс [тайӧ йитӧдсӧ торкӧмысь] став ёрӧмыс, мый гижӧма тайӧ [Индӧд] небӧгас. Господь вуштас енэж улысь сылысь нимсӧ.

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Псалтыр 80:4

Буксӧй буксанӧн выль тӧлысь чужигӧн, миян гажӧдчан кадӧ, кор енэжас тӧлысьыс тырвыйӧ содас.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Исай 64:9

Господьӧй, эн скӧрав миян вылӧ дугдывтӧг, эн век казьтыв миянлысь мыжъяснымӧс. Эн вунӧд, мый ми – Тэнад войтырыд!

Псалтыр 103:9

Тэ потшӧсалін ваяс, медым найӧ бара эз вевттьыны мусӧ.

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.

Псалтыр 6:4

Менам лолӧй дзикӧдз нюкыртчӧма. Господьӧй, дыр-ӧ на меным виччысьнысӧ?

Псалтыр 80:5

Ӧд тайӧ – Израиль войтырлы индӧд, Яковлӧн Енсянь тшӧктӧм.

Бӧрданкыв 5:22

Тэ ӧмӧй дзикӧдз эновтін миянӧс? Тэ ӧмӧй сэтшӧм ёна лӧгалан миян вылӧ?

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».