Псалтыр 78:4 - Коми Библия 2023

⁴ Орччӧн олысьяс серамвыв лэптӧны миянӧс, миян гӧгӧр олысьяс лёкӧдӧны да омӧльтӧны миянӧс.

Псалтыр 78:4 Referans Kwoze

Индӧд 11:19

Велӧдӧй наӧ ныв-пинытӧ. Висьталӧй гортаныд и туйын, висьталӧй водіганыд и чеччиганыд.

Йоиль 1:3

Висьтавлӧй та йылысь асланыд ныв-пилы, тіян ныв-пиныд мед висьталасны асланыс ныв-пилы, а найӧ мед юӧртасны водзӧ чужысьяслы.

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.

Псалтыр 9:14

Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.

Псалтыр 26:7

Господьӧй, кыв менсьым гӧлӧс шыӧс, кор ме шыася Тэ дінӧ. Ло бур сьӧлӧма ме дінӧ да вочавидз!

Иов 15:18

висьтала, мый юӧртісны мывкыд йӧзыс, кодъяс эз дзебны асланыс батьяссянь кывлӧмасӧ.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 13:8

Сійӧ лунӧ аслад пиыдлы шу, мый тадзи тэ казьтылан Господь Енлысь тэныд вӧчӧмторсӧ, кор тэ петін Египетысь.

Петӧм 12:26

И кор тіян челядьныд юаласны, мыйла ті тадзи вӧчанныд,

Исай 38:19

Но сӧмын ловъяяс ошкӧны Тэнӧ, кыдзи ме ӧні ошка. Батьыс висьталас челядьыслы Тэнад эсканлуныд йылысь.