Псалтыр 77:19 - Коми Библия 2023

¹⁹ Найӧ шуасисны Енлы паныд да сёрнитісны: «Енмыс ӧмӧй вермас овтӧминын дасьтыны чӧскыд пызан?

Псалтыр 77:19 Referans Kwoze

Петӧм 14:28

Ваыс бӧр бергӧдчис да вевттис фараонлысь вӧла-тарантаса тышкайӧзсӧ. Израильсаяс бӧрся саридз пыдӧсті вӧтчысьясысь весиг ӧти морт ловйӧн эз коль.

Аввакум 3:15

Аслад вӧвъясӧн Тэ вуджан саридз вомӧн, Ас бӧрсяыд быгзьӧдан-шызьӧдан васӧ.

Псалтыр 29:10

«Мый бурыс сыысь, ме кӧ кула да менӧ гуаласны? Кутас ӧмӧй шойыс ошкыны Тэнӧ, юӧртны, мый Тэныд позьӧ эскыны?

Неемий 9:11

Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Псалтыр 97:2

Господь петкӧдліс Ассьыс мездӧмсӧ, восьтіс войтыръяслы Ассьыс веськыдлунсӧ.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Ӧксыяслӧн 2 небӧг 22:8

Муыс сыркмунліс да вӧрзис, енэжсӧ пыкысь керӧсъяс кыпмунлісны да вешйисны места вывсьыс, сэтшӧма скӧрмис Господь.

Иов 23:14

Сійӧ збыльмӧдас, мый шуӧма лоны меным, и татшӧм шуӧмыс Сылӧн уна.

Иов 36:29

Коді вермас гӧгӧрвоны, кыдзи Сійӧ ӧшлӧ кымӧръяссӧ? Коді вермас гӧгӧрвоны Енлӧн оланінсянь гымыштӧмсӧ?

Псалтыр 97:4

Му вылын олысьяс, гораа ошкӧй Господьӧс, сьылӧй-гажӧдчӧй да нимкодясьӧй!

Псалтыр 104:32

Зэр пыдди Сійӧ мӧдӧдіс налы шер, ыпъялысь би мӧдӧдіс налӧн му вылӧ.