Псалтыр 76:8 - Коми Библия 2023

⁸ Господь ӧмӧй пыр кежлӧ эновтіс, Сійӧ ӧмӧй оз нин радейт менӧ?

Псалтыр 76:8 Referans Kwoze

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

1 Каднебӧг 16:30

Му вылын олысьяс, полӧй-тіралӧй Сыысь! Муюгыдыс сулалӧ зумыда, сійӧ оз вӧрзьыв.

Ёрдысьяс 5:20

Енэжсянь кодзувъяс петісны вермасьны, вылісянь найӧ уськӧдчисны Сисар вылӧ.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Ӧксыяслӧн 4 небӧг 22:13

«Мунӧй да юалӧй Господьлысь, мый меным да менам войтырлы колӧ вӧчны. Юалӧй, мый Иуда войтырлы колӧ вӧчны тайӧ небӧгас гижӧмаыс серти. Ӧд Господьлӧн ыджыд скӧрлуныс ыпнитіс миян вылӧ сыысь, мый миян батьяс эз кывзысьны да эз овны тайӧ небӧгас гижӧм кывъясыс серти».

1 Каднебӧг 16:25

Ошкӧй Господьӧс, ӧд Сійӧ ыджыд, мукӧд енмыс дорысь медъёна Сыысь колӧ повны.

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Иов 25:2

– Ен киын юралӧмыс да повзьӧдлӧмыс, медвыліас Сійӧ лӧсьӧдӧма лӧньлун.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.